Êsai 28:19 - Sơ̆p Hlabơar Nơ̆r 'Bok Kei-Dei

¹⁹ Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Êsai 28:19 ပူးပေါင်းရင်းမြစ်များ

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 18:13

Lăm sơnăm mă mơjĭt-puăn, chăl pơtao Hesekia pơgơ̆r, Senacherip, pơtao đe Asiri năm blah lu pơlei tih kơjăp, lăm dêh Juđa păng lu sư iŏk pơlei noh.

II Pot 21:12

Yua kơ thoi noh, na Kră Yang 'Bok Kei-Dei lu bơngai Isơrael khan thoi âu: Inh gô ăn tơdrong răm truh kơ Pơlei Jêrusalem păng Juđa dĭng mah mă bu bu kơtơ̆ng đe roi tơdrong noh chrêu kơ đon.

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Jop 24:17

Gah lu sư măng mu noh kơ 'năr. Yua kơ lu sư pơm buăl juăt hăm tơdrong hli lăm măng mu gueo

Jop 41:9

Tơdrong hơmĕng wă gơh rôp sư noh hiong đĭ hloi. Lăng 'bôh sư đĕch đe tơtơ̆ pơ̆k hraih đang hloi.

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Horiso 55:4

Inh jĭ lăm jơhngơ̆m inh dêh, Tơdrong hli kơ lôch blah inh.

Horiso 88:15

Inh pơmat-tat wă lôch iŏk đơ̆ng oei 'lơ̆p. Inh hli krưp păng tơrơ dêh.

Êsai 33:7

'Nâu lu bơngai pran kơtang oei krao ôr tơ rok trong, lu bơngai đe wơh chă tơdrong hiôk-hian nhơ̆m ơh ol.

Êsai 36:22

Êliakim kon drŏ-nglo Hilkia, 'bok wei-lăng hnam pơtao, hăm Sepna bơngai chih hla bơar, Jôa kon drŏ-nglo Asap bơngai răp chih tơdrong đei truh, hek ao lu sư kơdih, wơ̆t brŏk roi kơ pơtao Hesekia dôm nơ̆r đêl Rapsaka pơma.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Je 19:3

Ih athei khan: ‘Ơ lu pơtao Juđa păng đĭ-đăng kon pơlei oei lăm pơlei Jêrusalem, mơ̆ng bĕ nơ̆r Kră Yang. Kră Yang Tih Hloh 'Bok Kei-Dei lu bơngai Isơrael khan thoi âu: Âu, Inh gô ăn tơdrong răm pơmat truh kơ anih 'nâu, dah bơngai bu kơtơ̆ng nơ̆r 'nâu kư̆m jĭ đon.

Je 4:5

“Roi tơbăt bĕ tơ lăm dêh char Juđa păng lăm pơlei Jêrusalem khan: ‘Hlôm bĕ keng tơ jơ̆p lăm char.’ Krao ôr mă kơtang păng khan: ‘Akŭm băl bĕ. Bĕ bơ̆n năm mơ̆t tơ lăm lu pơlei kơjăp.’

Je 4:9

Kră Yang khan: “Lăm năr noh. Lu pơtao păng lu kră pơgơ̆r jơhngơ̆m lu sư rŭng răng; lu 'bok soi hli tơrơ, lu bơngai khan lê̆ adrol gô kơmăp lăl.”

Je 6:24

Lu nhôn kơtơ̆ng ang boih gah lu sư, kơkŏng ti lu nhôn đĭ rơdu; Tơdrong hli gơhret lu nhôn, Jơhngơ̆m lu nhôn jĭ tuĕnh thoi drŏ-kăn wă tơpŭ.

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

I Sam 3:11

Kră Yang khan kơ Samuel: Inh wă pơm tơ lăm Isơrael minh tơdrong, bơngai bu mơ̆ng 'bar pah đon sư gô hrơ̆ng hreng.