Êsai 26:6 - Sơ̆p Hlabơar Nơ̆r 'Bok Kei-Dei

⁶ Pơjuă lê̆ tơ ala jơ̆ng, lăm jơ̆ng yak lu bơngai pơmat-tat, tơpang jơ̆ng lu bơngai dơnuh hin yak.

Êsai 26:6 ပူးပေါင်းရင်းမြစ်များ

II Pot 9:33

Sư athei: “Iĕm tơlơ̆ hơtat sư tơ teh jah.” Lu sư tơlơ̆ hơtat hloi yă ei tơ teh, na pham sư tơprah tơ tơnăr hnam, tơ akâu aseh, đơ̆ng noh aseh yak pơjuă akâu sư.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 25:10

Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 28:3

Hơgăl pơkao pơang lu bơngai suai tơdrô lăm char Êphraim đe gô pơjuă tơ ala jơ̆ng.

Êsai 29:19

Lu bơngai răm-'băm gô thim tơdrong chơt hiôk lăm Kră Yang, lu bơngai dơnuh hin gô 'nă hal lăm Tơ'ngla 'lơ̆ng rơgoh đe Isơrael.

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Êsai 3:15

Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.

Êsai 37:25

Inh đei sir bơih sơlŭng đak lăm dêh char tơmoi păng nhă đak noh; yua jơ̆ng inh pơm kơ lu glung dêh char Êyiptơ hrơ̆.’

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Je 50:45

Thoi noh, mơ̆ng bĕ tơdă Kră Yang đei hơmet boih wă pơrăm dêh char Babilôn, păng tơdrong sư pơkă wă pơm kơ dêh char bơngai Kalđê. Mă lu kon triu iĕ đe kư̆m rôp ba đĭ đe gô pơrăm đĭ tơmăn 'nhĕt jing bri.

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Malachi 4:3

Lu iĕm gô pơjuă gơhlơ̆r lê̆ lu bơngai pơm kơnê̆, yua kơ lăm năr mă Inh pơm noh, lu sư nhen thoi rơnok tơ ala jơ̆ng lu iĕm.” Kră Yang Tih Hloh khan thoi noh.

Luka 10:19

Inh ăn boih kơ iĕm gơh juă 'bih păng aguăt. Inh kư̆m ăn dôm tơdrong yang kơnê̆ thuơ kơ iĕm ngăl, ưh pă đei bu pơ̆n pơm kơ iĕm boih.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

I Kor 1:26

Ơ 'nhŏng oh, iĕm chă lăng lu bơngai mă 'Bok Kei-Dei rơih iŏk đơ̆ng lu khŭl iĕm sơ̆, sư thoi yơ? Lăm lu iĕm kư̆m hui kơ đei hŏk hơgei, hui bơngai pơm tih, hui bơngai đơ̆ng adrĕch yŏng mơng.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Jôsuê 10:24

Lu sư chông ba pơđăm 'nu pơtao ei truh tơ Jôsuê, Jôsuê krao đĭ-đăng drŏ-nglo Isơrael khan hăm yŏng pơgơ̆r linh tơblah mă năm hơdai sư: Năm juă hơko lu pơtao âu, na lu sư năm juă hloi hơko lu pơtao noh.

Tơdrông Tơ'bôh 2:26

‘Tơdrong tơblah păng yang kơnê̆ wă kơ jei, sư athei adrin ling-lang khŏm khŏm dĭng truh tơ năr Inh jur ning-mônh, Inh gô pôk sư pơm 'bok pơgơ̆r lu teh đak đe, thoi 'Bă Inh ăn kơ Inh kư̆m pơgơ̆r thoi noh.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.