Êsai 26:20 - Sơ̆p Hlabơar Nơ̆r 'Bok Kei-Dei

²⁰ Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Êsai 26:20 ပူးပေါင်းရင်းမြစ်များ

Bl 7:1

Kră Yang khan kơ Nôê thoi âu: “Ih păng đĭ-đăng hnam dơnŏ ih mơ̆t bĕ lăm duk, yua kơ lăm lu bơngai chăl dang ei Inh 'bôh ih jơ̆ minh 'nu bơngai tơpăt.

Bl 7:16

Tơno minh akăn minh, đei tơmông đei yŏng, đĭ-đăng kư̆m mơ̆t lăm duk, kiơ̆ thoi nơ̆r Kră Yang 'Bok Kei-Dei khan pơkă, na Kră Yang tang lê̆ 'măng duk.

Jop 14:13

Hơpơi rŏ kơ Ih ôn inh tơ lăm bơsat klơ̆p ôn inh dĭng truh tơblĕk Ih ngach 'mơ̆i, Truh jơ 'năr đêl hơgăt kơ inh, apinh Ih 'blŏk kơ inh dơ̆ng!

Horiso 143:9

Ơ Kră Yang, apinh Ih dŏng pơklaih inh đơ̆ng lu ayăt; Inh tơkan kơ'nơp tơ Ih.

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Horiso 27:5

Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Horiso 32:7

Ih bơih anih inh kơ'nơp, Ih tơgŭm inh lăm năr đei tơdrong truh, Ih wang tăp kơ inh hăm tơdrong hơrid dŏng pơklaih. Sêla

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 57:2

Inh krao apinh Kră Yang 'Bok Kei-Dei Tih Hloh. Kră Yang 'Bok Kei-Dei mă pơm pơsĭt tôm tơdrong kơ inh.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Horiso 94:13

Wă ăn kơ sư pơdơh hiôk-hian đơ̆ng năr pơmat-tat. Dĭng mă sir sơlŭng jrŭ kơ lu bơngai pơm kơnê̆ noh keh đang.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Tơdrông Pơđơk 22:3

Bơngai hơgei 'bôh đei tơdrong truh kơdâu weh. Bơngai kơwao kư̆ yak truh puh hloi lăm noh.

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 34:2

Yua Kră Yang hil mĭl wă pơrăm đĭ-đăng dêh char; Kră Yang hil kơ đĭ-đăng linh lu sư, gô ăn kơ lu sư lôch hiong păng pơjao lê̆ kơ đe pơlôch.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Êsai 51:4

Ơ kon pơlei Inh, mơ̆ng bĕ Inh ơ teh đak Inh; pơgling đon iĕm mơ̆ng bĕ Inh. Gô đei tơdrong juăt lĕch đơ̆ng Inh, păng tơdrong tơpăt hơnơ̆ng Inh jing hơdah pơchrang ăn kơ đĭ-đăng kon pơlei.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Je 31:14

Inh gô ăn kơ lu 'bok soi đei tôm tơmam kăl yua, Lu kon pơlei Inh gô đei tôm tơmam kăl yua rơkah rơkai” Noh Kră Yang khan.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Êsêkiên 11:16

Thoi noh, khan bĕ kơ lu sư: ‘'Nâu Kră Yang Tih Hloh khan: Mă Inh đei ăn kơ lu sư năm tơ lu dêh char nai, tơklah tơklang tơ jơ̆p lăm lu teh đak, mă-lei Inh oei 'măn anih 'lơ̆ng rơgoh kơ lu sư tơ lăm lu char mă lu sư oei ưh kơ đunh tŏ noh.’

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 6:6

Dah iĕm wă krao khan, iĕm athei tang 'măng kơdrô̆ tơ anih hrĕp. Iĕm krao khan thoi noh na iĕm tơchĕng truh tơ 'Bă bơ̆n Yang mă bơ̆n ưh kơ gơh 'bôh. Mă iĕm krao khan tơ anih hrĕp Sư kư̆m 'bôh mơ̆n, Sư ăn tơdrong iĕm apinh noh tơpă.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.