Êsai 26:18 - Sơ̆p Hlabơar Nơ̆r 'Bok Kei-Dei

¹⁸ Lu nhôn đei anăp bơih, lu nhôn kư̆m oei jĭ anăp, lu nhôn tơpŭ ră nhen tơpŭ kơ kial đĕch. Lu nhôn ưh kơ ba ăn tơdrong dŏng pơklaih lăm teh đak, kư̆m ưh kơ gơh tơpŭ pơjing ăn kon bơngai lăm teh đak âu.

Êsai 26:18 ပူးပေါင်းရင်းမြစ်များ

II Pot 19:3

Lu sư khan kơ Êsai: “Hesekia khan: 'Năr 'nâu bơih jơ̆ năr răm tih, năr teh bơtho păng mơlâu thoi drŏ-kăn đĭ tôm khei 'năr sư bơih. Mă-lei jơhngơ̆m pran sư ưh kơ đei wă hơiơch hơ'lơ̆p noh.

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Êsai 33:11

Lu iĕm gô đei anăp hơkam 'ba, gô tơpŭ lĕch hơnong, hơyuh dui jơhngơ̆m lu iĕm jing ŭnh soh iĕm kơdih.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Hôsia 13:13

Tơdrong jĭ thoi drŏ-kăn tơpŭ truh boih kơ lu sư, mă-lei lu sư thoi kon nge ngŏk kơ hlôh kơwao, Lăp truh jơ 'năr boih, mă-lei sư ưh kơ jah lĕch đơ̆ng tơpu kon.

Yo 7:7

Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.

I Yo 5:19

Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

I Sam 11:13

Mă-lei Sôl tơl lu sư: Năr âu lu bơ̆n ưh kơ gơh pơlôch bu; yua kơ năr âu Kră Yang đĕch ăn kơ bơngai Isơrael đei jơnei tih.

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.