Êsai 26:13 - Sơ̆p Hlabơar Nơ̆r 'Bok Kei-Dei

¹³ Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Êsai 26:13 ပူးပေါင်းရင်းမြစ်များ

II Ho 12:8

Ăn kơ lu sư chu Sisăk, wă kơ lu Sư băt chu yom kơ Inh pha kơ chu kơ lu pơtao kơpal teh âu.

Êsai 10:11

Inh ưh kơ wă pơrăm rup yang pơlei Jêrusalem hă? Thoi inh đei pơm bơih kơ pơlei Samari hăm rup yang sư?”

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Am 6:10

Tơdah minh 'nu lăm adrĕch adrung jê̆ athei soh akâu lôch noh iŏk ba bĕ kơting sư đơ̆ng lăm hnam; tơ 'nguaih bơngai noh gô apinh bơngai oei lăm hnam: Hăm pă đei bu oei hơdai ih? Sư gô tơl: Ưh pă đei bu boih! Na bơngai kơtum noh khan: 'Nĕ pă pơma 'bơm anăn Kră Yang!

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Yo 8:32

Na iĕm gô băt tơdrong 'Bok Kei-Dei tơpă, thoi noh na iĕm gô rơngei.”

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.