Êsai 26:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai kơnê̆ pơm mă đơ̆ng Kră Yang mơnat ăn ră, kư̆m ưh kơ wă hŏk iŏk tơdrong 'lơ̆ng tơpăt, lu sư oei pơm tơdrong kơnê̆ lăm teh đak 'lơ̆ng tơpăt, păng ưh kơ 'bôh ôh tơdrong 'lơ̆ng rŏ tih-tin Kră Yang.

Êsai 26:10 ပူးပေါင်းရင်းမြစ်များ

II Pot 13:6

Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

Horiso 106:43

Đei lơ wơ̆t Kră Yang dŏng pơklaih lu sư. Mă-lei lu sư pơrơ̆ng pơm plơ̆. Păng lu sư jing răm lăm tơdrong yoch kơdih.

Horiso 143:10

Apinh Ih bơtho inh pơm kiơ̆ Ih wă. Yua kơ Ih boih Kră Yang 'Bok Kei-Dei inh, ăn Yang Bơhngol 'Lơ̆ng Ih ba inh mơ̆t tơ teh đak dơhnă.

Horiso 69:27

Apinh Ih pơthim tơdrong kơnê̆ kơ tơdrong kơnê̆ lu sư; 'Nĕ jô̆ kơ lu sư đei lăm tơdrong tơpăt Ih.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Le 9:30

Mă-lei inh băt kơ ih păng lu bơngai bơ̆jang kơ ih ưh tam mă hli yom kơ Kră Yang 'Bok Kei-Dei 'mơ̆i.

Le 9:34

Kơplah Pharaôn 'bôh, 'mi prĕl păng grơ̆m glaih pơdơh đĭ boih, sư păng lu bơngai bơ̆jang kơ sư arăng kơ̆l ưh kơ chu păng lu sư oei pơm yoch dơ̆ng,

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Bôk Bơthô 3:16

Inh oei 'bôh dơ̆ng lăm teh đak âu. Lăm tơdrong tơpăt kư̆m đei tơdrong kơnê̆ lăm tơdrong khan tơpăt mă-lei oei đei tơdrong ưh kơ tơpăt.

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 32:7

Lu bơngai hơlĕnh pơdăr yua tơdrong kơnê̆; pơđâu pơm tơdrong kơnê̆, wă pơrăm lu bơngai dơnuh hăm nơ̆r pơma hơlĕnh Mă khan lu bơngai dơnuh hoh roi khan trŏ.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Je 2:7

Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Mi 2:10

Lu iĕm iung bĕ! Weh bĕ! Yua kơ 'nâu ưh kơ sĭ ăn kơ iĕm pơdơh hiôk ôh, yua kơ tơdrong kơnê̆ 'mê̆-'mach pơrăm boih, tơnat pat dêh tơpă.

Mathiơ 4:5

Đơ̆ng noh yang Satan anhăk ba Yêsu năm tơ Pơlei Jêrusalem mă đe anăn pơlei 'Bok Kei-Dei, na yang Satan anhăk ba Yêsu tŏk tơ kơpal bơbŭng hnam akŭm tơm.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

I Sam 15:17

Samuel roi khan: Ih adrĕch iĕ ưh kơ hơnhŏ pơm kơ̆l kơ adrĕch adrung bơngai Isơrael dah kiơ? Kră Yang tuh đak rơmă ăn kơ ih pơm pơtao lu bơngai Isơrael.