Êsai 25:7 - Sơ̆p Hlabơar Nơ̆r 'Bok Kei-Dei

⁷ Tơ kơpal kông âu, Sư gô pơrăm lê̆ che pĕng măt đĭ-đăng kon pơlei pơla păng che pĕng măt đĭ-đăng teh đak.

Êsai 25:7 ပူးပေါင်းရင်းမြစ်များ

Sa 8:22

Thoi noh đei lơ kon pơlei păng lu adrĕch adrung lăm teh đak pran kơtang gô năm chă Kră Yang Tih Hloh tơ pơlei Jêrusalem păng apinh tơdrong mơnat đơ̆ng Kră Yang tơ noh.”

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Hêbrơ 9:8

Tơdrong noh Yang Bơhngol 'Lơ̆ng Sư bơtho kơ bơ̆n wă kơ bơ̆n băt, sơ̆ bơ̆n ưh kơ gơh mơ̆t kơkuh 'bơ̆t anăp 'Bok Kei-Dei tơ anih giĕng tih.