Êsai 25:5 - Sơ̆p Hlabơar Nơ̆r 'Bok Kei-Dei

⁵ Thoi tŏ lăm char glă, Ih chĭt lê̆ nơ̆r ôr jơwa lu bơngai tơmoi. Ih găn lê̆ hreh nơ̆r hơri 'nă hal lu bơngai pơm kơnê̆, nhen thoi hơyuh tŏ hiong kơ yơ̆p hơmơ̆l.

Êsai 25:5 ပူးပေါင်းရင်းမြစ်များ

Horiso 105:39

Sư bơyar hơmơ̆l wă kơ pơyơ̆l kơ kon pơlei Sư, Păng kơmăng đei ŭnh pơchrang hơdah.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Êsai 18:4

Kră Yang khan bơih kơ inh thoi âu: “Inh gô oei hreh păng Inh gô răp lăng đơ̆ng anih Inh oei, thoi drang tŏ pơchrang hơdah đơ̆ng măt 'năr, thoi hơiuh đak ngom năr tŏ bơyan yuă.”

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsêkiên 38:9

Ih gô năm tơ anăp blah nhen thoi kial hơbŭt, thoi hơmơ̆l gom lê̆ teh noh, ih păng lu linh hăm lơ adrĕch adrung kiơ̆ ih.