Êsai 25:2 - Sơ̆p Hlabơar Nơ̆r 'Bok Kei-Dei

² Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Êsai 25:2 ပူးပေါင်းရင်းမြစ်များ

Jop 12:14

Sư pơrăm, ưh pă đei bu man pơdơ̆ng ming. Sư phak ưh pă đei bu gơh tơlĕch.

Êsai 13:20

Pơlei noh ưh kơ đei bơngai bu oei dơ̆ng, đơ̆ng chăl nai truh tơ chăl ninh. Lu bơngai Arâp ưh pă pơdơ̆ng hnam khăn 'bĭch tơ noh, lu bơngai wei triu kư̆m ưh pă chĭt triu lu sư tơ noh dơ̆ng.

Êsai 13:21

Mă-lei lu sem bri gô truh 'bĭch tơ noh păng hnam lăm pơlei noh 'bĕnh-'bang kơ sem bơrơ̆m grơ̆-ă gô oei lăm noh, anih bơbe bri pơplŏng hal tơ noh.

Êsai 13:22

Kŏ-so gô kuăl lăm pơlei kơjăp, kŏ bri gô kơlu lăm anih pơtao 'lơ̆ng rŏ. Khei sơnăm sư truh jê̆ bơih, măng năr sư ưh pă đunh dơ̆ng bơih.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 17:3

Kơđông kơjăp Êphraim ưh pă đei dơ̆ng bơih, pơlei tih Đamas ưh pă đei tơdrong pơgơ̆r dơ̆ng, lu kon plei mă oei đei đơ̆ng dêh char Siri kư̆m gô lei-lăi nhen thoi tơdrong ư-ang lu đe Isơrael.” Kră Yang Tih Hloh khan thoi noh.

Êsai 21:9

To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

Êsai 23:11

Kră Yang yơ̆r ti sư kơpal đak dơsĭ, pơm kơ rim teh đak tơdrŏ, Sư pơm boih kơ Kanaan wă pơrăm lu kơđông kơjăp sư.

Êsai 23:13

Ih lăng dêh char lu bơngai Kalđê, ưh kơ đei kon pơlei noh dơ̆ng bơih, bơngai Asiri pơm kơ anih noh jing anih sem bri, sư pơm hnam thôt, wang tăp dăr, blah iŏk pơgoh, teng lê̆ anih hnam pơtao sư pơchah pơchek jing juơ.

Êsai 24:10

Pơlei đei tơdrong truh pơchah đĭ bơih, rim hnam tang chơkăl lê̆ 'măng, ưh kơ đei bu gơh mơ̆t.

Êsai 25:12

Kră Yang gô pơrăm lê̆ dur man kơjung kơjăp noh, hơlih đĭ tơ ala, bơlih tơhuŏng lê̆ tơ teh, lăm 'mui teh.

Êsai 26:5

Sư tơjur lê̆ lu bơngai oei tơ kơpal, teh pơchah lê̆ bơih pơlei tih kơjăp, tơjur lê̆ lu bơngai pơang truh tơ teh, huŏng lăm 'mui teh.

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 32:14

Đe gô lê̆ hnam pơtao kơkot rơhiăng, pơlei tih gô jing juơ, kông groi păng hnam thôt đơ̆ng âu tơ anăp gô păk răm truh tơ ning-mônh jing anih lu aseh bri păng tơmăn 'nhĕt kơ lu kon sem brem.

Êsai 32:19

Mă đơ̆ng 'mi prĕl jruh lăm bri brah păng pơlei tih gô pơchah răm.

Êsai 34:13

Lu 'long jơla gô chăt lăm anih pơtao, 'long jơla chăt hro 'bĕnh lăm kơđông kơjăp noh jing anih lu kŏ bri păng anih pơdơh lu sem grơ̆-ă.

Êsai 37:26

Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Je 51:26

Ưh kơ đei bu iŏk minh pôm tơmo tih đơ̆ng ih wă pơm jrăng mum hnam, dah tuh pơm hơnă, Ih gô jing juơ tơtŭng ling-lang hlŏng hloi. Noh Kră Yang khan.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Both 13:16

Athei pơpôi iŏk pơđĭ lu tơmam đơ̆ng blah iŏk đơ̆ng lăm pơlei tih noh, năm tuh lê̆ tơ cham să na iŏk ŭnh soh pơlei noh păng đĭ-đăng mŭk tơmam lăm noh, thoi tơmam soi 'buh pơyơ̆r kơ Kră Yang 'Bok Kei-Dei iĕm, pơlei noh gô jing rơ̆m ngar ŭnh ling-lang hlŏng hloi, ưh pă bu gơh tơiung pơjing dơ̆ng.

Tơdrông Tơ'bôh 18:19

Lu sư chup teh pơnŭk săi kơpal kơ̆l lu sư mơlŭng mơlăng, nhơ̆m hmoi ơh ol pơma ôr pơret khan: “Ô glăi, ô glăi, Pơlei Babilôn pơlei tih-tin, lu bơngai đei duk oei tơ đak dơsĭ mơdrŏng yua đơ̆ng sư, lăm minh jơ đĕch ưh kơ đunh mă hiong đĭ tơmam mơdrŏng, tơmam 'lơ̆ng rŏ.”