Êsai 25:12 - Sơ̆p Hlabơar Nơ̆r 'Bok Kei-Dei

¹² Kră Yang gô pơrăm lê̆ dur man kơjung kơjăp noh, hơlih đĭ tơ ala, bơlih tơhuŏng lê̆ tơ teh, lăm 'mui teh.

Êsai 25:12 ပူးပေါင်းရင်းမြစ်များ

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!

Êsai 2:15

Gô pơm kơ lu hnam thôt kơjung păng dur pơlei kơjăp.

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Êsai 26:5

Sư tơjur lê̆ lu bơngai oei tơ kơpal, teh pơchah lê̆ bơih pơlei tih kơjăp, tơjur lê̆ lu bơngai pơang truh tơ teh, huŏng lăm 'mui teh.

Je 48:1

Gah dêh char Môap. 'Nâu Kră Yang Tih Hloh, 'Bok Kei-Dei Isơrael, khan: “Mơnat tơpă kơ pơlei Nêbô, đe gô pơrăm sư! Pơlei Kiriathaim mơlâu tơpă đe gô rôp blah iŏk. Pơlei kơjăp gô mơlâu dêh pơchah răm đĭ.

Je 51:58

Kră Yang Tih Hloh khan: “Dur pơlei Babilôn hơ'bơ̆l, đe gô teh tơlơ̆ hơlih păk đĭ tơ teh, Lu 'măng jang sư kơjung ră, đe gô soh sa đĭ; kon pơlei gleh hrat mă ưh kơ yua kiơ, lu adrĕch adrung bơ̆jang gleh lap ăn kơ ŭnh sa đĕch.”

Je 51:64

Păng athei khan: Dêh char Babilôn gô huŏng môch thoi noh! Ưh pă đei layơ đông dơ̆ng, yua kơ Inh ăn tơdrong truh pơrăm sư, lu kon pơlei gô pơ̆k huŏng.’ ” Nơ̆r Jêrêmi pơma tôch 'bơ̆t dâu.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Êsêkiên 28:17

Jơhngơ̆m ih pơang yua kơ ih 'lơ̆ng. Tơdrong ư-ang ih pơm kơ ih hiong răm tơdrong gơh hơgei. Inh klơ̆m hŭt ih tơ teh 'bơ̆t anăp lu pơtao, Inh jao ih wă ăn kơ lu sư lăng.

Hêbrơ 11:30

Lu bơngai Isơrael đei đon lui, na lu sư năm blah Pơlei Jêrikô, dăr hăm akâu sư kơdih đĕch, tơpơh năr dăr, dur Pơlei Jêrikô pơchah phê̆ lêng bêng.

Tơdrông Tơ'bôh 18:21

Đei minh 'nu linh jang nai pran tih, sư iŏk minh pôm tơpăl tơmo tih tơhuŏng tơ đak dơsĭ păng khan: “Ơ Pơlei Babilôn, e hăm băt đe wă tơhuŏng e thoi inh tơhuŏng tơpăl tơmo tơ đak dơsĭ, đe ưh pă layơ wă 'bôh e dơ̆ng.