Êsai 25:11 - Sơ̆p Hlabơar Nơ̆r 'Bok Kei-Dei

¹¹ Mă lu sư gô pơdăng ti lu sư lăm noh, thoi bơngai glơi đak pơdăng ti sư wă glơi, mă-lei Kră Yang gô tơhuŏng lê̆ tơdrong pơang lu sư, Mă ti lu sư yơ̆r hơwơi ră.

Êsai 25:11 ပူးပေါင်းရင်းမြစ်များ

Jop 40:11

Săi bĕ tơdrong blĕk ih tơ jơ̆p-jang anih. Lăng bĕ 'bôh bơngai bu pơang tơjur lê̆ sư.

Horiso 2:5

Dang ei Kră Yang hil mĭl kơ lu sư. Đơ̆ng noh pơrŭng lu sư hăm tơdrong hil kơtang.

Êsai 10:33

'Nâu, Kră Yang Tih Hloh, gô yua tơdrong mơsêh pran kơtang krưp Sư chre dơng 'long. Lu tơm 'long tih kơjung gô kăl tơpăk đĭ; 'long kơjung gô păk tơ ala teh.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 14:26

Noh bơih tơdrong Inh tơchĕng rĕng lê̆ bơih wă pơm kơ jơ̆p-jang teh đak, 'nâu ti Inh yơ̆r kơpal wă pơm kơ teh đak.

Êsai 16:14

Mă-lei dang ei Kră Yang khan: “Lăm pêng sơnăm, thoi lĕ kơ sơnăm đe jang apah đĕch na tơdrong ư-ang lu đe Môap mă hăm lơ khŭl kon pơlei lu sư ră đe gô pơjăm pơjuă păng lu bơngai oei đei pă tŏ sĕt đĕch, ưh kơ jing kiơ bơih.”

Êsai 16:6

Lu bơ̆n đei kơtơ̆ng bơih gah tơdrong lu bơngai Môap pơang, sư pơrŏ pơang dêh, pơma pôk kơdih mă-lei, tơdrong pơang sư jing tơdrong kơ đei.

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:15

Gô pơm kơ lu hnam thôt kơjung păng dur pơlei kơjăp.

Êsai 25:5

Thoi tŏ lăm char glă, Ih chĭt lê̆ nơ̆r ôr jơwa lu bơngai tơmoi. Ih găn lê̆ hreh nơ̆r hơri 'nă hal lu bơngai pơm kơnê̆, nhen thoi hơyuh tŏ hiong kơ yơ̆p hơmơ̆l.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Êsai 65:2

Inh yơ̆r ti Inh prăt năr tơ gah minh adrĕch kon pơlei mă arăng kơ̆l. Lu bơngai mă năm lăm trong ưh kơ 'lơ̆ng, kiơ̆ kơ đon kơdih tơchĕng.

Je 48:29

Lu nhôn kơtơ̆ng boih char Môap pơang dêh, pơrŏ dêh pơm khuơ̆ 'mơng, pơang pơrŏ, pôk kơdih akâu,”

Je 48:42

Char Môap đe gô pơrăm, sư ưh pă jing kon pơlei pơla dơ̆ng; yua kơ lu sư pơang pôk hơtŏk lu sư kơdih blah Kră Yang.”

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”