Êsai 25:10 - Sơ̆p Hlabơar Nơ̆r 'Bok Kei-Dei

¹⁰ Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 25:10 ပူးပေါင်းရင်းမြစ်များ

Horiso 83:10

Đe pơlôch lu sư tơ Endôr, jing pơm mơ̆r kơ teh.

Êsai 10:31

Kon Pơlei Matmêna kơdâu ôn. Lu bơngai oei lăm pơlei Gêbim kơdâu chă anih ôn kơ'nơp.

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 11:14

Mă-lei lu sư gô jur năm pơm kơ Philistin tơ gah bơmơ̆t, lu sư wang plah tơgar iŏk pơlei teh đak gah hơlĕch, lu sư yơ̆r ti pơm kơ Eđôm păng Môap, Ammôn gô chu kơ lu sư.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Êsai 16:14

Mă-lei dang ei Kră Yang khan: “Lăm pêng sơnăm, thoi lĕ kơ sơnăm đe jang apah đĕch na tơdrong ư-ang lu đe Môap mă hăm lơ khŭl kon pơlei lu sư ră đe gô pơjăm pơjuă păng lu bơngai oei đei pă tŏ sĕt đĕch, ưh kơ jing kiơ bơih.”

Êsai 16:6

Lu bơ̆n đei kơtơ̆ng bơih gah tơdrong lu bơngai Môap pơang, sư pơrŏ pơang dêh, pơma pôk kơdih mă-lei, tơdrong pơang sư jing tơdrong kơ đei.

Êsai 18:4

Kră Yang khan bơih kơ inh thoi âu: “Inh gô oei hreh păng Inh gô răp lăng đơ̆ng anih Inh oei, thoi drang tŏ pơchrang hơdah đơ̆ng măt 'năr, thoi hơiuh đak ngom năr tŏ bơyan yuă.”

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 26:6

Pơjuă lê̆ tơ ala jơ̆ng, lăm jơ̆ng yak lu bơngai pơmat-tat, tơpang jơ̆ng lu bơngai dơnuh hin yak.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 48:1

Gah dêh char Môap. 'Nâu Kră Yang Tih Hloh, 'Bok Kei-Dei Isơrael, khan: “Mơnat tơpă kơ pơlei Nêbô, đe gô pơrăm sư! Pơlei Kiriathaim mơlâu tơpă đe gô rôp blah iŏk. Pơlei kơjăp gô mơlâu dêh pơchah răm đĭ.

Je 48:2

Đe ang kơ char Môap ưh pă đei boih; tơ pơlei Hesbôn, lu sư pơđâu wă pơrăm Môap: ‘Bĕ bơ̆n năm pơrăm kon pơlei 'nâu, sŭt lê̆ dĭng pă đei jô̆ Môap lăm lu dêh char dơ̆ng! Ơ pơlei Matmen, ih kư̆m lei-lăi, ăn kơ ih ngăn hreh; đao gưm gô druh kiơ̆ ih.

Nhom 1:15

Lu linh pran kơtang inh, Kră Yang pơrăm lê̆ đĭ boih. Sư akŭm pơpôi lu linh wă pơm kơnê̆ kơ inh, wă pơjuă pơhĕch lê̆ lu kon tơdăm inh, Kră Yang pơjuă gơhlơ̆r lê̆ lu kon adruh Juđa thoi gơ'bang đe hmĕt plei hơmu.

Êsêkiên 25:8

“Kră Yang khan thoi âu: ‘Môap păng Sêir đei khan: Âu lăng adrĕch Juđa kư̆m lei-lăi kơ char nai,

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.