Êsai 24:8 - Sơ̆p Hlabơar Nơ̆r 'Bok Kei-Dei

⁸ Re hơgơ̆r iĕ chơt hiôk ưh pă đei dơ̆ng, jreo 'nă hal ưh pă đei bơih, jơwa đe reh brŏ chơt hiôk kư̆m đĭ tôch.

Êsai 24:8 ပူးပေါင်းရင်းမြစ်များ

Jop 3:7

Rŏ kơ măng noh ưh kơ đei bu anăp. Ưh kơ đei nơ̆r chơt hiôk lăm kơplah noh.

Jop 30:31

Inh reh brŏ tĭng-nĭng lăm ơh sơ'ngon. Inh hlôm 'lal hăm re nơ̆r nhơ̆m hmoi.

Horiso 137:2

Lu nhôn tơ'băk brŏ nhôn tơ kơpal 'long hla prai tơter glung noh.

Êsai 16:10

Tơdrong chơt hơiă 'nă hal tơ lăm mir hlă hla chŭn bluh 'lơ̆ng noh pă đei bơih, tơ lăm pơgar hơmu ưh pă đei bu hơri dah jreo chơt hiôk boih lu bơngai pơjuă plei hơmu wă pơm sik kư̆m ưh pă đei dơ̆ng, Inh pơm kơ tơdrong jreo chơt hiôk noh pơdơh hreh.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Je 16:9

'Nâu Kră Yang Tih Hloh 'Bok Kei-Dei bơngai Isơrael khan: “'Nâu 'bơ̆t anăp măt lu iĕm, lăm chăl arih iĕm, Inh gô pơtôch lê̆ chơt hiôk lăm char âu. Kŭm ưh pă đei nơ̆r ŏng mai hiĕk chơt hiôk năr pơkong klo kăn dơ̆ng.

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Nhom 5:14

Lu kră drŏ-nglo pă đei ngôi pơđâu 'bơ̆t 'măng jang pơlei tih, Lu tơdăm 'lơ̆p pă đei reh brŏ hơri.

Êsêkiên 26:13

Inh gô pơm kơ nơ̆r hơri ih kơtĕch, đe ưh pă kơtơ̆ng re brŏ dung ih dơ̆ng.

Êsêkiên 28:13

Ih oei tơ pơgar Êđen, pơgar Kră Yang 'Bok Kei-Dei. Ih pơguăng hăm tơmam tơmo gĭt thoi jơmŏng tơmo jasper, tơmo saphirê, tơmo Shơkêđô tơmo samarađô, tơmo siađô, tơmo krisôlia, tơmo borelô, tơmo tôpasiô, ih hling hrâu hăm maih dơ̆ng. Đơ̆ng năr mă đei pơjing ih đei hơmet lê̆ boih dôm tơmam noh.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Am 6:7

Yua kơ thoi noh đe gô rôp lu iĕm pơm bơnă adrol hloh kơ lu bơngai mă đe đei rôp, lei na wă kơ ưh pă kơtơ̆ng boih nơ̆r ôr chơt hiôk lu bơngai noh!

Tơdrông Tơ'bôh 18:22

Tơ tŏk-bŏk e pă layơ kơtơ̆ng tơdrong đe reh brŏ, kơtơ̆ng đe hơri suang, kơtơ̆ng đe hlôm tơgiĕp, hlôm keng; păng tôm kơ lu bơngai thơ̆, lu bơngai peh 'ba pă 'bôh boih.