Êsai 24:20 - Sơ̆p Hlabơar Nơ̆r 'Bok Kei-Dei

²⁰ Plei teh tơdrŏ 'ma 'ngiĕo nhen bơngai suai, yĕng yŏng thoi pơk gia, tơdrong yoch sư trăp dêh, sư gô pơ̆k huŏng ưh kơ kĕ iung dơ̆ng.

Êsai 24:20 ပူးပေါင်းရင်းမြစ်များ

Bl 41:31

Păng tơdrong pơngot rơwĕt âu tih dêh, na kon tơring tơrang pă 'blŏk boih lăm sơnăm đei 'ba rơkah rơkai.

Jop 12:25

Lu sư nơnăm chă jơjơ̆ lăm măng mu, ưh kơ đei hơdah, păng Kră Yang pơm kơ lu sư yak mơngưt mơngat thoi bơngai suai.

Horiso 107:27

Lu sư mơngưt mơngat nhen thoi bơngai suai. Tơdrong hơgei lu sư hiong đĭ.

Horiso 38:4

Yua kơ tơdrong kơnê̆ inh, hloh kơ kơ̆l inh, Sư trăp dêh kơ inh, wă pŭ.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 1:8

Adruh Siôn ưh pă đei bu oei tơ noh, thoi đe tŭk lê̆ pơk mir hơmu, thoi pơk mir mơkai, thoi pơlei đe wang.

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 29:9

Kơdrăt bĕ, hli tơrơ bĕ, măt iĕm tol păng pă 'bôh! Suai bĕ, mă-lei ưh kơ suai đơ̆ng tơdrô hơmu, nơnăm we-wo 'ma 'ngiĕo ưh kơ sĭ đơ̆ng huch tơdrô 'lơ̆ng ôh.

Êsai 38:12

Hnam inh đe yuih, pôk lê̆ ataih đơ̆ng inh, thoi đe pôk anih bơsŭn lu bơngai wei triu, inh lôm chăl arih inh nhen bơngai tanh brai. Kră Yang kăt lê̆ inh đơ̆ng hơtơ̆ng wai, Kră Yang pơtôch lê̆ tơdrong arih inh đơ̆ng kơ năr truh kơmăng!

Êsai 43:27

'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Je 25:27

“Ih khan bĕ kơ lu sư: Kră Yang Tih Hloh 'Bok Kei-Dei Isơrael, khan: ‘Huch bĕ mă suai, hăk lê̆, pơ̆k lê̆ pă iung, yua kơ đao gưm Inh ăn truh tơ lu iĕm!

Je 4:24

Inh lăng tơ lu kông; kông pơpơ̆ tơdrŏ ngăl, lu groi kư̆m tơdrŏ.

Je 51:29

Teh đak pơpơ̆ pơpol, yua kơ Kră Yang wă pơm. Pơm kơ dêh char Babilôn jing char glă, Ưh pă đei bơngai oei.

Je 8:4

“Ăn kơ ih roi bĕ kơ lu sư: ‘'Nâu Kră Yang khan: ‘Bơngai pơ̆k hăm pă iung dơ̆ng? Bơngai jrok hăm wơ̆t brŏk dơ̆ng?

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Da 11:19

Đơ̆ng noh lu sư wih tơ rŏng brŏk dơ̆ng tơ pơlei sư kơdih; mă-lei lu sư gô kơtơih păng pơ̆k, na chă pă đei 'bôh lu sư dơ̆ng.

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

Na 1:5

Lu kông pơpơ̆ 'bơ̆t anăp Sư, lu groi gô hach hiong; teh đak păng lu kon bơngai oei kơpal teh đak, đĭ-đăng kon bơngai jơ̆p kơ teh đak rŭng răng.

Tơdrông Tơ'bôh 18:21

Đei minh 'nu linh jang nai pran tih, sư iŏk minh pôm tơpăl tơmo tih tơhuŏng tơ đak dơsĭ păng khan: “Ơ Pơlei Babilôn, e hăm băt đe wă tơhuŏng e thoi inh tơhuŏng tơpăl tơmo tơ đak dơsĭ, đe ưh pă layơ wă 'bôh e dơ̆ng.