Êsai 24:18 - Sơ̆p Hlabơar Nơ̆r 'Bok Kei-Dei

¹⁸ Bơngai ayơ kơdâu ôn đơ̆ng tơdrong hli tơrơ gô huŏng lăm sơlŭng; tŏk hlôi đơ̆ng sơlŭng gô hrơ̆p hơnhuăl, lu 'măng-'mŏk tơ kơpal plĕnh pơih lê̆ bơih, lu hơnă tơ ala teh pơpơ̆ đĭ.

Êsai 24:18 ပူးပေါင်းရင်းမြစ်များ

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Bl 7:11

Kơplah noh Nôê tơdrâu-hrĕng sơnăm, khei 'bar năr mơjĭt-tơpơh, trŏ kơ năr noh, dôm lu tu đak đôh pơchah đak bluh đơ̆ng teh, đơ̆ng kơpal plĕnh kư̆m pơih tơjur đak.

II Pot 7:2

Yŏng linh mă jê̆ pơtao, sư tơl nơ̆r Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti, tơdrong noh gơh đei hă?” Êlisê tơl: “Măt ih gô 'bôh tơdrong noh, mă-lei ih ưh kơ đei sa ôh.”

Jop 20:24

Mă sư kơdâu hlôi kơ tơmam tơblah pơm păng mam, 'Brơ̆m păng kong gô 'bet klĕch akâu sư.

Horiso 18:15

Ơ Kră Yang, đơ̆ng nơ̆r Ih chrih, Kial lĕch đơ̆ng trôm muh Ih, na kơđĕl đak dơsĭ 'bôh hơnă teh đak kư̆m 'bôh bang.

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Horiso 18:8

Đei 'nhui lĕch đơ̆ng trôm muh Sư, Pla ŭnh khơ̆ng lĕch đơ̆ng 'bơ̆r Sư, soh sa ngar ngŭr.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Êsai 42:22

Mă-lei kon pơlei Sư đe tơtông, đe tơgar iŏk, Đĭ-đăng lu sư huŏng lăm sơlŭng păng đe chĭt ôn lăm sơlŭng jrŭ, lu sư jing tơmam đe tơtông iŏk. Mă ưh kơ đei bu dŏng pơklaih lu sư, mă ưh kơ đei bu khan: “Pơdrâu kơ Inh wă!”

Êsai 8:14

Sư gô jing anih kơ'nơp kơjăp Mă Sư kư̆m thoi tơmo pơm kơ đe kơtơih pơ̆k păng tơmo tih pơm kơ Isơrael păng Juđa huŏng păng thoi hơđong hơnhuăl đăk kơ kon pơlei oei lăm pơlei Jêrusalem mơ̆n.

Je 48:43

Kră Yang khan: “Ơ kon pơlei Môap! Tơdrong kơnê̆ hli krưp sơlŭng jrŭ, hơđong đăk lê̆ 'bơ̆t anăp ih.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Nhom 3:47

Lu nhôn đei hloi tơdrong hli tơrơ, Hơlŭng tơdrong pơlôch păng hư răm.

Êsêkiên 11:8

Lu iĕm hli kơ đao hơlă, na Inh gô ăn đao hơlă blah lu iĕm, Kră Yang Tih Hloh khan thoi noh.

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Êsêkiên 15:7

Inh gô tơwih muh măt blah plơ̆ lu sư, mă khan lu sư klaih dơ̆ng ŭnh boih ră, ŭnh gô sa lu sư; na lu sư gô băt Inh boih Kră Yang.

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.