Êsai 24:17 - Sơ̆p Hlabơar Nơ̆r 'Bok Kei-Dei

¹⁷ Ơ kon bơngai oei lăm teh đak, tơdrong hli tơrơ, sơlŭng jrŭ păng poh-'năk hơnhuăl oei răp gô iĕm.

Êsai 24:17 ပူးပေါင်းရင်းမြစ်များ

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

Jop 18:8

Sư oei năm sư hrơ̆p tơ lăm hơnhuăl păng puh sơlŭng đe hơ'năk klơ̆p hla.

Êsai 8:14

Sư gô jing anih kơ'nơp kơjăp Mă Sư kư̆m thoi tơmo pơm kơ đe kơtơih pơ̆k păng tơmo tih pơm kơ Isơrael păng Juđa huŏng păng thoi hơđong hơnhuăl đăk kơ kon pơlei oei lăm pơlei Jêrusalem mơ̆n.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Nhom 3:47

Lu nhôn đei hloi tơdrong hli tơrơ, Hơlŭng tơdrong pơlôch păng hư răm.

Êsêkiên 11:8

Lu iĕm hli kơ đao hơlă, na Inh gô ăn đao hơlă blah lu iĕm, Kră Yang Tih Hloh khan thoi noh.

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.