Êsai 23:13 - Sơ̆p Hlabơar Nơ̆r 'Bok Kei-Dei

¹³ Ih lăng dêh char lu bơngai Kalđê, ưh kơ đei kon pơlei noh dơ̆ng bơih, bơngai Asiri pơm kơ anih noh jing anih sem bri, sư pơm hnam thôt, wang tăp dăr, blah iŏk pơgoh, teng lê̆ anih hnam pơtao sư pơchah pơchek jing juơ.

Êsai 23:13 ပူးပေါင်းရင်းမြစ်များ

Bl 11:28

Kơplah 'bă sư Thêra oei arih, Haran sư lôch lăm tơring sư kơdih, lăm, pơlei Ur dêh Kalđê.

Bl 11:31

Thêra chông ba Abram, kon drŏ-nglo sư, Lot kon drŏ-nglo Haran, sâu sư păng Sarai akăn Abram, mŏ mai sư, lĕch đơ̆ng Ur, lăm dêh Kalđê, na năm tơ char Kanaan kơplah lu sư truh tơ pơlei Charan sư pơjing hnam dơnŏ bơ̆jang sa tơ noh.

Bl 11:9

Yua kơ noh na đe krao anăn pơlei 'Ba'belc yua kơ tơ anih noh Kră Yang bơlŭ lê̆ nơ̆r pơma kon bơngai lăm teh, đơ̆ng noh boih Sư ăn kơ kon bơngai tơklah tơklang tơ jơ̆p-jang kơ teh đak. Adrĕch adrung Isơrael đơ̆ng Abram truh tơ Jôsep

Bl 2:14

Anăn chơnglah glung mă pêng noh Hidêke, ro tơ gah hơlĕch tơring Asiri. Gah chơnglah glung mă puăn noh jơ̆ glung Ơphrat.

II Pot 17:24

Pơtao đe Asiri anhăk ba bơngai đơ̆ng Babilôn, Kuta, Awa, Hamat păng Sêpharwaim ăn lu sư oei lăm lu pơlei tơ Samari tơplih kơ lu bơngai Isơrael. Lu sư blah iŏk dêh char Samari păng oei lăm lu pơlei tơ noh.

II Pot 20:12

Lăm kơplah noh, Mêrôđak Balađan, kon drŏ-nglo Balađan, pơtao đe Babilôn wơh bơngai năm ăn kơ Hesekia kơthơ păng tơmam yua kơ sư kơtơ̆ng Hesekia jĭ.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Jop 1:17

Bơngai âu oei pơma, na 'bôh minh 'nu bơngai nai dơ̆ng truh roi: “Lu bơngai Kalđê đei pêng khŭl, wang blah tơgar iŏk aseh lăk-đa păng koh pơlôch đĭ lu đĭch đam hăm đao; lăp minh 'nu inh đĕch klaih năm roi ăn kơ ih.”

Horiso 72:9

Lu bơngai oei tơ lăm char 'blach gô kŭp kơ̆l kơkuh 'bơ̆t anăp sư. Lu ayăt kơ sư gô liah 'mui teh

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 10:7

Mă-lei sư ưh kơ wă thoi noh. Lăm jơhngơ̆m sư ưh kơ tơchĕng thoi noh ôh sư wă 'maih pơrăm tơhiong lê̆ lơ dêh char.

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Êsai 13:21

Mă-lei lu sem bri gô truh 'bĭch tơ noh păng hnam lăm pơlei noh 'bĕnh-'bang kơ sem bơrơ̆m grơ̆-ă gô oei lăm noh, anih bơbe bri pơplŏng hal tơ noh.

Êsai 18:6

Đe gô tŭk lê̆ lu sư ăn kơ sem păr tơ lăm kông sa, păng ăn kơ sem bri tơ ala teh sa, lu sem păr gô sa lu sư lăm bơyan phang păng lu sem bri brah gô sa lăm bơyan tơngiĕt.

Êsai 43:14

Kră Yang, Tơ'ngla huai iŏk lu iĕm, Kră Yang 'lơ̆ng Rơgoh đe Isơrael khan thoi âu: “Yua kơ lu iĕm, Inh wơh đe năm truh tơ pơlei Babilôn, pơm kơ lu sư kơdâu đĭ wă khan lu bơngai Kalđê, kơdâu ôn jur tơ lu thŏng-nan nhơ̆m hmoi.

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.

Êsêkiên 29:18

“Ơ kon bơngai, Nebukatnessar pơtao đe Babilôn, pơm ăn kơ lu linh sư jang gleh anat wă blah pơlei Tirơ; kơ̆l lu sư jing 'ngôch, hơngiĕng lu sư luih pơtao noh hăm lu linh sư mă khan blah pơlei Tirơ, hrat pơmat thoi noh ră kư̆m kơbĭ đei kiơ.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Jang 7:4

Thoi noh na Abraham jăk đơ̆ng dêh Mesôpôtôme năm oei tơ Pơlei Haran. Đơ̆ng rŏng kơ 'bă Abraham lôch, 'Bok Kei-Dei athei Abraham năm oei tơ dêh bơ̆n oei dang ei.