Êsai 23:11 - Sơ̆p Hlabơar Nơ̆r 'Bok Kei-Dei

¹¹ Kră Yang yơ̆r ti sư kơpal đak dơsĭ, pơm kơ rim teh đak tơdrŏ, Sư pơm boih kơ Kanaan wă pơrăm lu kơđông kơjăp sư.

Êsai 23:11 ပူးပေါင်းရင်းမြစ်များ

Bl 9:25

Na khan: “Kanaan trŏ tơpă pŭ hơngiap! Sư gô pơm đĭch đam kơ lu 'nhŏng oh sư.”

Horiso 46:6

Kon pơlei rŭng răng, dêh char noh pơpơ̆ ying-yông. Kră Yang 'Bok Kei-Deic sơkat, teh gô lek đĭ.

Horiso 71:3

Ih thoi tơmo tih, anih inh kơ'nơp; tơ lăm noh ling-lang; Ăn nơ̆r tơtă wă pơklaih inh. Yua kơ Ih jơ̆ kơđông păng tơmo pĕng inh.

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 14:26

Noh bơih tơdrong Inh tơchĕng rĕng lê̆ bơih wă pơm kơ jơ̆p-jang teh đak, 'nâu ti Inh yơ̆r kơpal wă pơm kơ teh đak.

Êsai 19:5

Đak dơsĭ gô hrơ̆, đak krong gô hrĕng kro.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 23:10

Ơ kon pơlei Tarsis, năm bĕ jơ̆p kơ anih teh ih tih thoi kơ krong Nil! Ưh pă đei anih kơ duk ih bơih.

Êsai 23:3

Mơdrŏng chơ phe 'ba đơ̆ng Sihôr, kĕch yuă đei đơ̆ng krong Nil, chơ rok trong đak dơsĭ tih, noh jơ̆ tơm đei lơi yua, sư noh bơih anih mơdro mơchan kơ rim teh đak.

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Je 47:7

Mă-lei liơ sư gơh pơdơh. Mưh Kră Yang athei boih. Mưh Kră Yang jao kơ sư athei phak Askalon păng lu pơlei oei cheng đak dơsĭ?”

Êsêkiên 26:10

Aseh lu sư lơ tơpă dĭng mah 'mui teh đơ̆ng jơ̆ng sư yak klơ̆p đĭ ih thoi hơmơ̆l. Lu dur pơlei ih pơpơ̆ yua kơ đơ̆ng tơtơ̆ng jơ̆ng lu linh hao aseh, lu linh gre aseh lu sư gô mơ̆t rok 'măng jang ih, nhen thoi mơ̆t lăm pơlei dur đe pơrăm đĭ bơih.

Êsêkiên 26:4

Lu sư gô pơrăm dur pơlei Tirơ păng teh pơchah lê̆ hnam gak kơjung. Inh gô hơpuih kôch pơgoh lu teh đơ̆ng lăm pơlei, lê̆ sư jing kông tơmo.

Êsêkiên 31:16

Inh ăn kơ lu adrĕch adrung hli tơrơ kơplah kơtơ̆ng tơdrong sư pơchah răm 'bơ̆t Inh tơhuŏng sư tơ anih lôch, hơdai hăm đĭ-đăng lu bơngai huŏng tơ sơlŭng jrŭ! Dang ei đĭ-đăng lu 'long tơ pơgar Êđen, lu 'long 'lơ̆ng đei rơih iŏk lu 'long 'lơ̆ng đơ̆ng kông Liban, đĭ-đăng lu 'long mă đei đak hơiuh lơ̆m, đĭ lu 'long noh đei tơdrong pơlung lăm hơlŭng jrŭ.

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Sa 14:21

Dôm lu gŏ lăm pơlei Jêrusalem păng lăm Juđa gô jing rơgoh ăn kơ Kră Yang Tih Hloh; wă kơ đĭ-đăng lu bơngai pơyơ̆r tơmam soi kơ Kră Yang truh, iŏk gŏ noh na pai păng lăm năr noh, gô ưh pă đei minh 'nu bơngai Kanaana lăm hnam Kră Yang Tih Hloh.

Markôs 11:17

Na Sư bơtho khan kơ lu bơngai ei thoi âu: “Đe chih roi nơ̆r 'Bok Kei-Dei lăm sơ̆p hla bơar Sư thoi âu: ‘Hnam akŭm kơkuh kơ Inh wă lê̆ kơ đĭ-đăng bơngai jơ̆p kơ teh đak akŭm krao khan lăm noh.’ Mă-lei iĕm mơdro lăm noh, pơgŏ athei đe răt kăp jên, iĕm pơm kơ hnam akŭm âu thoi lĕ kơ anih hnam đe tơtông klĕ.”

Yo 2:16

Đơ̆ng noh na Sư khan kơ lu bơngai mơdro sem kơtơp: “Anhăk ba đĭ sem kơtơp iĕm âu tơ nai. Iĕm 'nĕ pă pơm kơ hnam 'Bă Inh thoi lĕ kơ hnam mơdro mơchan.”