Êsai 22:4 - Sơ̆p Hlabơar Nơ̆r 'Bok Kei-Dei

⁴ Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Êsai 22:4 ပူးပေါင်းရင်းမြစ်များ

Esther 4:1

Kơplah Morđêkai băt đĭ-đăng kơ tơdrong wă truh noh na sư hek ao sư, iŏk su ao 'bi păng pung tơnuh tơ akâu sư, năm tơ tŏk-bŏk pơlei ôr krao păng nhơ̆m hmoi ơh sơ'ngon.

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Êsai 15:3

Lu sư su 'bi sơ'ngon jơ̆p kơ trong tih lăm pơlei, lu sư nhơ̆m hmoi tơ kơpal bơbŭng hnam păng tơ anih hơdrŭm, lu sư hmoi ơh lĕch đak măt.

Êsai 33:7

'Nâu lu bơngai pran kơtang oei krao ôr tơ rok trong, lu bơngai đe wơh chă tơdrong hiôk-hian nhơ̆m ơh ol.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 31:15

Kră Yang khan: “Tơ pơlei Rama đei kơtơ̆ng nhơ̆m hmoi, nhơ̆m ơh sơ'ngon, noh Rachel nhơ̆m hmoi kơ lu kon sư, hmoi ơh ưh kơ đei bu gơh pơlung sư gah lu kon sư, yua kơ lu kon sư ưh pă đei arih boih.”

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Je 8:18

Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Je 9:18

Athei lu sư mă kuăng jah nhơ̆m hmoi kơ bơ̆n, Wă kơ măt lu bơ̆n kư̆m lĕch đak măt ăn kơ kon-ngai lăm măt lu bơ̆n đei đak măt ro.

Nhom 2:11

Măt inh đĭ hrŏ yua kơ đak măt lĕch, jơhngơ̆m inh rŭng răng. Păng huŏng tơ teh, Yua kơ đơ̆ng đe pơrăm kon adruh pơlei inh. Yua kơ lu kon hơ'lơ̆p, yua kơ lu kon nge hơngơ̆t tơ rok trong lăm pơlei tih.

Êsêkiên 21:11

Pla đao âu pơiel rang pơchĕp ăn 'bơ̆t ti đe. Pla đao pat han păng pơiel rang pơjao kơ bơngai mă chă pơlôch đe.

Êsêkiên 27:31

Lu sư gô hơkôih kơ̆l 'ngôch, hrŭk su 'bi sơ'ngon yua kơ ih, jĭ jơhngơ̆m ơh sơ'ngon nhơ̆m hmoi ơh ol.

Mi 1:8

Thoi noh Inh gô nhơ̆m hmoi păng ôr tơngưih, plôh ao năm jơ̆ng hoh. Inh gô ôr krao thoi kŏ bri păng ôr tơngưih pơmat-tat thoi sem bơrơ̆m.

Mathiơ 2:18

“Đe kơtơ̆ng nơ̆r ôr pơret tơ Pơlei Ramma, 'bơ̆r đe nhơ̆m hmoi ơh tơpă. Yă Rachel hmoi ơh kơ kon sư lôch, sư nhơ̆m hmoi khŏm khŏm đe ưh pă gơh pơlung sư thoi yơ, yua kơ kon sư lôch đĭ.”

Mathiơ 26:75

Pêtrôs 'blŏk hơdơ̆r hloi kơ tơdrong Yêsu khan kơ sư khan: “Hơdrol kơ iĕr ŏ, ih gô sơngah kơ Inh pêng 'măng.” Thoi noh na sư lĕch hmoi ơh kơdih sư.

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.