Êsai 22:15 - Sơ̆p Hlabơar Nơ̆r 'Bok Kei-Dei

¹⁵ Kră Yang Tih Hloh khan: Ih năm bĕ truh tơ noh, Sepna bơngai bơ̆jang wei-lăng hnam pơtao păng khan kơ sư:

Êsai 22:15 ပူးပေါင်းရင်းမြစ်များ

I Pot 4:6

Ahisar pơm yŏng wei-lăng hnam 'bok pơtao păng Ađôniram kon drŏ-nglo Apđa pơm yŏng pơgơ̆r lu bơngai bơnă jang gah tơmam.

II Pot 10:5

Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

II Pot 18:18

Đơ̆ng noh, lu sư apinh pơma dơnuh hăm pơtao; Êliakim, kon drŏ-nglo Hilkia, 'bok tih wei hnam pơtao; Sepna bơngai chih hla bơar, păng Jôa kon drŏ-nglo Asap bơngai chih răk dôm tơdrong truh, lĕch năm tơ'bơ̆p lu sư.

II Pot 18:26

Kơplah noh Êliakim, kon drŏ-nglo Hilkia, Sepna păng Jôa khan kơ Rapsaka: “Pơma hăm nhôn đĭch đam ih nơ̆r Aram bĕ yua kơ nhôn hlôh nơ̆r noh. 'Nĕ kơ pơma hăm nhôn nơ̆r Juđa hli kơ kon pơlei kơpal dur noh băt.”

II Pot 18:37

Êliakim, kon drŏ-nglo Hilkia, bơngai wei hnam pơtao. Sepna, bơngai chih răk hla bơar păng Jôa, kon drŏ-nglo Asap bơngai chih răk đei tơdrong truh wih brŏk tơ Hesekia hek lê̆ hơbĕn ao lu sư hiah đĭ, na roi kơ Hesekia dôm nơ̆r đêl Rapsaka pơma noh.

II Pot 19:2

Đơ̆ng noh sư wơh Êliakim bơngai wei hnam akŭm, Sepna bơngai chih hla bơar păng lu 'bok soi tih, hrŭk ao 'bi năm tơ Êsai bơngai khan lê̆ adrol sư kon drŏ-nglo Amôt.

I Ho 27:25

Asmawet, kon drŏ-nglo Ađiêl, wei-lăng lu hnam tah tơmam pơtao; Jônathan kon drŏ-nglo Usia, wei-lăng lu hnam tah tơmam pơlei tih, lăm rim pơlei iĕ păng lăm rim kơđông linh 'nguaih kơ pơlei Jêrusalem;

Êsai 36:11

Êliakim hăm Sepna păng Jôa khan kơ Rapsaka: “Apinh ih pơma hăm đĭch đam ih âu hăm nơ̆r Aram, yua kơ lu nhôn hlôh nơ̆r noh. Ih 'nĕ pơma nơ̆r Juđa hăm lu nhôn kơnh kon pơlei pơla oei tơ kơpal dur pơlei âu hlôh.”

Êsai 36:22

Êliakim kon drŏ-nglo Hilkia, 'bok wei-lăng hnam pơtao, hăm Sepna bơngai chih hla bơar, Jôa kon drŏ-nglo Asap bơngai răp chih tơdrong đei truh, hek ao lu sư kơdih, wơ̆t brŏk roi kơ pơtao Hesekia dôm nơ̆r đêl Rapsaka pơma.

Êsai 36:3

Kơplah noh Êliakim, kon drŏ-nglo Hilkia pơm 'bok wei-lăng hnam pơtao, Sepna bơngai chih hla bơar păng Jôa kon drŏ-nglo Asap kiơ̆ chih tơdrong truh boih, năm tơ'bơ̆p sư.

Êsai 37:2

Pơtao wơh Êliakim 'bok wei-lăng hnam pơtao, Sepna bơngai chih hla bơar păng lu kră lăm lu khŭl 'bok soi hơdai wang hrŭk asu 'bi, năm tơ Êsai 'bok khan lê̆ adrol kon drŏ-nglo Amôt.

Jang 8:27

Na Philip năm hloi. Kơplah Philip yak rok trong ei sư 'bôh minh 'nu bơngai pơm tih kư̆m oei yak rok trong ei mơ̆n. Bơngai pơm tih ei, sư khŭl bơngai dêh char Êthiôpia. Sư wei-lăng jên yă Kanđake. Yă Kanđake pơm pơtao dêh char Êthiôpia. Na bơngai mă wei jên yă pơtao ei, ki sư năm tơ Pơlei Jêrusalem năm kơkuh kơ 'Bok Kei-Dei.