Êsai 22:12 - Sơ̆p Hlabơar Nơ̆r 'Bok Kei-Dei

¹² Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 22:12 ပူးပေါင်းရင်းမြစ်များ

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

Esơra 9:3

Kơtơ̆ng lu nơ̆r noh, na inh hek ao lăm păng ao 'nguaih inh, buch sŏk kơ̆l păng sŏk kang, na hơ-oei ơh sơ'ngon.

Ne 9:9

Ih 'bôh boih tơdrong pơmat-tat lu 'bok nhôn lăm dêh Êyiptơ, đei kơtơ̆ng boih nơ̆r lu sư krao ôr 'bơ̆t đak dơsĭ 'brê.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Bôk Bơthô 3:11

Kră Yang 'Bok Kei-Dei pơjing bơih Sư 'lơ̆ng rŏ ngăl lăm jơ 'năr Sư. Sư kư̆m đei ăn kơ kơ̆l 'ngok kon bơngai băt kơ chăl đơ̆ng rŏng. Mă-lei ưh kơ đei bu kĕ băt hlôh kơ Kră Yang 'Bok Kei-Dei pơm đơ̆ng blŭng-a truh tơ ning-mônh.

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 26:10

Lu bơngai kơnê̆ pơm mă đơ̆ng Kră Yang mơnat ăn ră, kư̆m ưh kơ wă hŏk iŏk tơdrong 'lơ̆ng tơpăt, lu sư oei pơm tơdrong kơnê̆ lăm teh đak 'lơ̆ng tơpăt, păng ưh kơ 'bôh ôh tơdrong 'lơ̆ng rŏ tih-tin Kră Yang.

Êsai 29:1

Răm-'băm dêh kơ pơlei Ariêl, pơlei Ariêl jơ̆ pơlei Đawit pơm anih sư oei, sơnăm âu truh kơ sơnăm nai thim dơ̆ng. Ăn kơ tơdrong iĕm akŭm tih đei dăr wơwĭr hơnơ̆ng.

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Êsai 32:11

Lu drŏ-kăn oei hiôk-hian, tơtơ̆ bĕ, ơ lu kon drŏ-kăn ưh kơ tơtăm hli bĕ Plôh bĕ ao lu iĕm, lê̆ akâu hoh tơ̆n bĕ 'bi tơ kơiĕng lu iĕm.

Êsai 37:1

Kơtơ̆ng tơdrong noh, pơtao Hesekia hek hloi ao sư kơdih, hrŭk 'bi năm mơ̆t tơ lăm hnam akŭm kơkuh Kră Yang.

Êsai 37:2

Pơtao wơh Êliakim 'bok wei-lăng hnam pơtao, Sepna bơngai chih hla bơar păng lu kră lăm lu khŭl 'bok soi hơdai wang hrŭk asu 'bi, năm tơ Êsai 'bok khan lê̆ adrol kon drŏ-nglo Amôt.

Êsai 58:3

Lu sư Jet: “Yua kơ kiơ lu nhôn ơ̆t kơ sŏng sa mă-lei Ih ưh kơ 'bôh? Lu nhôn tơjur akâu mă-lei Ih ưh kơ băt?” 'Nâu, lăm năr lu iĕm ơ̆t kơ sŏng sa, lu iĕm ling-lang chă tơdrong lu iĕm wă kơdih. Sa pơgâm lu bơngai jang kơ iĕm.

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 16:8

Ih kư̆m 'nĕ kơ et sa ngôi hơdai lu sư.”

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Êsêkiên 27:31

Lu sư gô hơkôih kơ̆l 'ngôch, hrŭk su 'bi sơ'ngon yua kơ ih, jĭ jơhngơ̆m ơh sơ'ngon nhơ̆m hmoi ơh ol.

Da 5:1

Pơtao Belsatsar đei hơmet et sa tih sư krao wơ̆n đĭ minh-rơbâu 'nu kuan tih păng pơtao huch tơdrô 'bơ̆t anăp lu sư.

Hôsia 9:1

'Nĕ kơ chhôk hal. Ơ bơngai Isơrael! 'Nĕ kơ chơt hiôk dêh thoi adrĕch adrung nai! Ih achăng lê̆ boih Kră Yang 'Bok Kei-Dei lu iĕm. Păng pơm kơnê̆, pơm pơyô kư̆ kă boih, Lăp đon boih iŏk drŏ-kăn đi tơ jơ̆p-jang anih preh 'ba.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:8

Lu iĕm athei nhơ̆m hmoi bĕ thoi minh 'nu adruh 'lơ̆ng hrŭk ao 'bi oei nhơ̆m kơ klo sư mă iŏk đơ̆ng 'lơ̆p lôch boih!

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Jôna 3:6

Tơdrong noh kơtơ̆ng truh tơ pơtao oei lăm pơlei tih Niniwe, sư iung weh đơ̆ng anih pơtao sư, plôh lê̆ ao pơtao sư, na hrŭk ao 'bi hơ-oei lăm 'mui tơnuh.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.