Êsai 21:4 - Sơ̆p Hlabơar Nơ̆r 'Bok Kei-Dei

⁴ Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Êsai 21:4 ပူးပေါင်းရင်းမြစ်များ

I Pot 1:49

Kơplah noh đĭ-đăng lu bơngai mă năm et sa hơdai hăm Adonija hli tơrơ, rim 'nu lu sư lĕch brŏk kơdih kơdih.

Esther 5:12

Haman khan dơ̆ng. Mă yă Esther ưh kơ đei pơtơm đe nai ôh, pơtơm lăp minh 'nu đĕch sŏng sa hơdai pơtao mă yă pơtao Esther đei hơmet boih păng dơning sư kư̆m krao pơtơm inh năm sŏng sa tơ hnam sư hơdai păng pơtao dơ̆ng.

Horiso 55:5

Tơdrong hli păng tơrơ truh tơ inh. Tơdrong hli krưp kư̆m gom inh.

Horiso 55:6

Inh khan: “Ơ rŏ kơ inh đei pơnăr thoi sem kơtơp, na gô păr pơdơh tơ anih nai.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 51:39

“Kơplah lu sư grĕnh hơnganh dêh, Inh gô hơmet ăn kơ lu sư sŏng sa tih, et suai, hiôk chơt, lê̆ lu sư tep hiôk hloi ling-lang, ưh pă hơdrơ̆r dơ̆ng: Noh Kră Yang khan.

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Da 5:1

Pơtao Belsatsar đei hơmet et sa tih sư krao wơ̆n đĭ minh-rơbâu 'nu kuan tih păng pơtao huch tơdrô 'bơ̆t anăp lu sư.

Da 5:30

Lăm măng noh hloi pơtao Belsatsar bơngai Kalđê đe pơlôch.

Da 5:5

Lăm jơ noh hloi đei hơnglâu ti, chih tơ tơnăr hnam pơtao, tơklă 'bơ̆t anih dan jơ̆ng ŭnh kơđeng păng pơtao 'bôh hloi tơpang ti noh oei chih.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Both 28:67

Pơgê hrôih iĕm khan: Rŏ kơ jah măng! Gơsơ̆ măng boih iĕm khan: Rŏ kơ jah hơdah

Both 32:11

Thoi sem klang tơdrŏ kơ tơpu Sư râu kon sư 'nao cheh, Păr bah kơ lu hơnar sư, bơlang pơnăr sư gram hơnar păng pŭ hơnar sư kơpal pơnăr.