Êsai 20:5 - Sơ̆p Hlabơar Nơ̆r 'Bok Kei-Dei

⁵ Kơplah noh lu bơngai gơnang kơ teh đak Kus păng hơmĕng kơ teh đak Êyiptơ gô hli păng mơlâu.

Êsai 20:5 ပူးပေါင်းရင်းမြစ်များ

II Pot 18:21

Noh dang ei ih gơnang kơ Êyiptơ hă? Noh jơ̆ thoi 'long gơlar tơgơ̆, dah bu tơjră kơ 'long noh sĭt gô trŏ ti klĕch hloi. Bu gơnang kơ Pharaôn, pơtao đe Êyiptơ, lu sư kư̆m thoi noh mơ̆n.

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Êsai 30:3

Thoi noh tơdrong Pharaôn dŏng bơwei gô pơm kơ lu iĕm mơlâu, anih ôn kơ'nơp lăm yơ̆p Êyiptơ gô jing tơdrong đe pơjăm lu iĕm.

Êsai 30:5

Đĭ-đăng lu sư gô mơlâu yua kơ minh adrĕch adrung, ưh kơ đei yua kiơ kơ lu sư, ưh kơ đei tơgŭm kư̆m ưh kơ đei lơi yua mă-lei pơm kơ lu sư mơlâu păng đe pơjăm.

Êsai 30:7

Tơdrong lu bơngai Êyiptơ tơgŭm jơ̆ tơdrong ưh kơ yua, na Inh anăn sư Rahap, wă khan bơngai oei minh 'bôt ưh kơ pơm kiơ.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 36:6

'Nâu ih gơnang kơ dêh char Êyiptơ, noh thoi 'long jra gơlăr đĭ tơgơ̆ bơih bu mă gơnang kơ sư, sư gô trŏ 'bet ti bơngai noh hlôh. Pharaôn, pơtao Êyiptơ đe bu mă gơnang kơ sư kư̆m gô thoi noh mơ̆n.

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsai 37:9

Kơplah noh pơtao Asiri kơtơ̆ng roi tơdrong Tirhaka pơtao dêh char Kus khan: Sư chĕp ba linh wă tơblah hăm ih. Lăp kơtơ̆ng thoi noh, na sư wơh lu bơngai năm roi khan kơ pơtao Hesekia păng pơkă khan:

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Je 46:25

Kră Yang Tih Hloh, 'Bok Kei-Dei Isơrael khan: “'Nâu Inh gô phak yang Ammôn, tơ pơlei Thêbes, pơtao Pharaôn, dêh char Êyiptơ păng lu rup yang, lu pơtao sư păng lu bơngai mă gơnang kơ Pharaôn.

Êsêkiên 29:16

Char Êyiptơ ưh pă anih mă lu adrĕch Isơrael gơnang hơmĕng dơ̆ng mă-lei oei tơ'blŏk kơ lu sư tơdrong yoch kơnê̆ đêl lu sư pơm; păng lu sư gô băt Inh boih Kră Yang.

Na 3:9

Char Êthiôpi, char Êyiptơ jing tơdrong pran kơtang sư. Char Phut păng char Libi jing buăl tơgŭm dŏng sư,

Jêphania 2:12

“Ơ kon pơlei Êthiôpi, đe gô 'bet lu iĕm hăm đao Inh.”

I Kor 3:21

Thoi noh na iĕm 'nĕ pơang tơdrong hơgei kon bơngai ala teh âu, yua kơ 'Bok Kei-Dei ăn kơ iĕm đei tôm tơdrong mah ngăl boih.