Êsai 2:21 - Sơ̆p Hlabơar Nơ̆r 'Bok Kei-Dei

²¹ Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Êsai 2:21 ပူးပေါင်းရင်းမြစ်များ

II Sam 22:46

Lu bơngai dêh char 'nguaih hiong đĭ jơhngơ̆m pran, Đơ̆ng lăm kơđông kơjăp hli tơtơ̆ kơdâu lĕch tơ 'nguaih.

Jop 30:6

Lu sư oei rok lăm thong cheng kông, Lăm trôm lăm teh, dah lăm sơlam lu hơgơp tơmo.

Jop 9:6

Sư gơgŭ teh đơ̆ng hơnă sư, jrăng tơjră sư pơpơ̆ gĭl-gŭl;

Le 33:22

Mưh tơdrong ư-ang 'lơ̆ng rŏ Inh năm brih, Inh gô dan ih tơ lăm trôm tơmo păng Inh gô pĕng ih hăm ti Inh, dĭng mă Inh năm hlôi 'mơ̆i.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 24:18

Bơngai ayơ kơdâu ôn đơ̆ng tơdrong hli tơrơ gô huŏng lăm sơlŭng; tŏk hlôi đơ̆ng sơlŭng gô hrơ̆p hơnhuăl, lu 'măng-'mŏk tơ kơpal plĕnh pơih lê̆ bơih, lu hơnă tơ ala teh pơpơ̆ đĭ.

Êsai 33:10

Kră Yang khan: “Dang ei Inh gô iung, dang ei Inh gô pôk hơtŏk, dang ei Inh gô đei tơdrong ư-ang.

Êsai 7:19

Sut păng roi gô truh kôp tơ lăm chhom kông, tơ lăm trôm tơmo, tơ tơm 'long jơla, tơ đak dơnâu.

Je 16:16

Kră Yang khan: “'Nâu, Inh gô wơh lơ bơngai traih ka, wă kơ chă traih rôp lu sư, đơ̆ng noh Inh gô wơh lơ bơngai lua wă kơ chă lua lu sư đơ̆ng jơ̆p kơ kông groi dah lăm hơgơp tơmo.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!