Êsai 19:4 - Sơ̆p Hlabơar Nơ̆r 'Bok Kei-Dei

⁴ Inh gô jao kon pơlei Êyiptơ lăm ti lu yŏng pơgơ̆r kơnê̆ dêh păng ăn kơ minh 'nu pơtao chư̆ kơnê̆ gô pơgơ̆r lu sư. Kră Yang Tih Hloh khan thoi noh.

Êsai 19:4 ပူးပေါင်းရင်းမြစ်များ

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Êsai 20:3

Kră Yang khan: “Thoi đĭch đam Inh Êsai năm akâu hoh păng yak jơ̆ng hoh lăm pêng sơnăm wă pơm tơdra tơ'bôh wă blah teh đak Êyiptơ păng Kus.

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Je 46:26

Inh gô jao lu sư lăm ti lu bơngai 'maih chă pơlôch lu sư, lăm ti Nebukatnessar pơtao Babilôn păng lăm ti lu yŏng linh. Mă-lei đơ̆ng rŏng kơ noh, dêh char Êyiptơ gô đei kon pơlei oei lơ thoi sơ̆,” Noh Kră Yang khan.

Êsêkiên 29:19

Na, Kră Yang khan: Âu, Inh gô pơjao char Êyiptơ ăn kơ Nebukatnessar pơtao Babilôn; sư gô iŏk chĕp ba tơmam noh păng tơgar iŏk lu tơmam nai păng pơjei iŏk teh; noh boih tơmam apah kơ lu linh sư.

Êsêkiên 30:12

Inh gô ăn kơ đak krong hrơ̆ păng tĕch ăn teh đak kơ lu bơngai kơnê̆. Inh gô yua ti lu kon tơmoi pơm kơ teh noh hăm lu tơmam lăm noh jing răm pă đei. Inh boih Kră Yang khan nơ̆r 'nâu.

Na 3:10

Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.

I Sam 23:7

Đe kư̆m roi ăn kơ Sôl băt Đawit mơ̆t lăm Kêila; Sôl khan: Kră Yang 'Bok Kei-Dei jao sư lăm tơpang ti inh, yua kơ sư năm ba akâu sư lăm pơlei đei 'măng jang tang chơkăl đĭ.