Êsai 19:21 - Sơ̆p Hlabơar Nơ̆r 'Bok Kei-Dei

²¹ Kră Yang gô ăn kơ bơngai Êyiptơ băt kơ Sư, lăm năr noh lu bơngai Êyiptơ gô băt kơkuh kơ Kră Yang, lu sư gô pơyơ̆r tơmam soi 'buh kơ Kră Yang, lu sư pơkă pơkăm hăm Kră Yang păng pơm keh tơdrong lu sư pơkă noh.

Êsai 19:21 ပူးပေါင်းရင်းမြစ်များ

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

Horiso 61:8

Thoi noh inh gô hơri bơnê kơ anăn ling-lang. Păng rim năr pơm pơkeh dôm tơdrong inh pơkă.

Horiso 67:2

Wă kơ trong Ih đe gơh băt tơ kơpal teh. Păng tơdrong dŏng pơklaih Ih gơh băt tơ jơ̆p lăm lu dêh char.

Horiso 68:31

Lu bơngai tơpăt gô lĕch đơ̆ng char Êyiptơ. Bơngai Êthiôpi gô hăt hot yơ̆r ti krao apinh Kră Yang 'Bok Kei-Dei.

Horiso 68:32

Ơ lu dêh char kơpal teh, hơri bơnê bĕ kơ Kră Yang 'Bok Kei-Dei; Hat hơri bĕ kơ Kră Yang. Sêla

Bôk Bơthô 5:4

Tơdah ih đei pơma pơkă hăm Kră Yang 'Bok Kei-Dei athei jah pơm pơkeh nơ̆r pơkă noh; yua kơ lu bơngai kơtul ưh kơ đei pơm kơ Kră Yang lăp đon. Lei jah pơkeh nơ̆r ih pơkă noh.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 11:9

Lu sư ưh kơ gơh pơm kơnê̆ păng pơrăm băl ôh, jơ̆p kơ anih lăm kông 'lơ̆ng rơgoh Inh, yua kơ jơ̆p-jang kơ teh đak 'bĕnh blai tơdrong hlôh băt kơ Kră Yang bơih, thoi đak ro 'bĕnh dơsĭ.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 44:5

Bơngai âu sư gô khan, inh gah Kră Yang, bơngai nai dơ̆ng sư krao anăn sư hăm anăn Jakôp. Bơngai plơ̆ng dơ̆ng sư chih tơ ti sư khan: Inh gah Kră Yang păng chih anăn Isơrael tơ ti Sư.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Jôna 1:16

Yua kơ thoi noh lu bơngai noh hli yom kơ Kră Yang lu sư pơyơ̆r tơmam soi ăn kơ Kră Yang păng pơkă hăm Kră Yang.

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Jêphania 3:10

Lu bơngai mă krao chă Inh, wă khan lu kon drŏ-kăn lu bơngai jrok tơklah tơklang tơ pah to đak krong Êthiôpi, gô năm pơm yang pơyơ̆r tơmam soi kơ Inh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;