Êsai 19:13 - Sơ̆p Hlabơar Nơ̆r 'Bok Kei-Dei

¹³ Lu kră pơlei Sôan kơtul ngăl, lu kră pơlei Nôp huŏng lăm tơdrong đe hơlĕnh, lu bơngai pơm kră lăm tơring đơ̆ng adrĕch pha pơm kơ đe Êyiptơ jrok trong.

Êsai 19:13 ပူးပေါင်းရင်းမြစ်များ

Êsai 19:11

Lu kră pơlei Sôan ngăl kơtul, lu bơngai hơgei oei jang hăm Pharaôn lu sư chă đon kơhlôh kơwao, liơ iĕm gơh khan kơ Pharaôn khan: “Inh jơ̆ minh lăm lu bơngai hơgei, kon sâu lu đe pơtao adrol sơ̆?”

Je 2:16

Kŭm đei lu bơngai Memphis păng Tahpanhes mă pơm kơ kơ̆l 'ngok iĕm pơchah boih.

Je 44:1

'Nâu nơ̆r Kră Yang khan kơ Jêrêmi gah lu bơngai Juđa oei lăm teh đak Êyiptơ, tơ pơlei Mikdôl, pơlei Tahpanhes, pơlei Memphis păng tơring char Patrôs.

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Je 46:19

Hơmet bĕ lu tơmam yua năm pơm bơnă. Ơ lu bơngai oei lăm dêh char Êyiptơ, Yua kơ pơlei Memphis gô jing juơ; đe gô soh pơrăm, ưh pă đei bơngai oei.

Êsêkiên 30:13

Kră Yang khan: “Inh gô pơrăm lu rup yang păng pơrăm pơđĭ pơgoh lu rup yang đơ̆ng pơlei Nôp. Lăm char Êyiptơ ưh pă đei yŏng pơgơ̆r dơ̆ng; Inh gô ăn tơdrong hli krưp kơ lu bơngai lăm char Êyiptơ.

Êsêkiên 30:14

Inh gô pơm ăn kơ tơring Phatrôs jing răm pă đei; ăn ŭnh sa tơ pơlei Sôan păng phak pơlei Thêbes.

Êsêkiên 30:16

Inh gô soh char Êyiptơ, pơlei Sin gô jĭ tơpă pă kĕ pơmat-tat; pơlei Na gô pơrăm pơchah đĭ, pơlei Thêbes gô tơ'bơ̆p tơdrong tơblah rim năr.

Hôsia 9:6

Tơdah lu sư kơdâu ôn đơ̆ng đe pơrăm, char Êyiptơ gô rôp akŭm pơđĭ lu sư, păng pơlei Memphis gô 'bŭ lê̆ lu sư. Lu tơmam gĭt pơm păng hu lu sư gô gom lê̆ hăm jơla bơmrôm, lu jơla gô chăt lăm bơsŭn lu sư.

Sa 10:4

Đơ̆ng lu sư gô đei tơmo mum hnam, đơ̆ng lu sư đei 'long đe pơ̆ng hnam khăn, đơ̆ng lu sư đei hră tơblah, đơ̆ng lu sư gô đei lu kră pơgơ̆r;

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Rom 1:22

Đon bơ̆n tơchĕng kơdih khan bơ̆n hơgei, mă tơpă bơ̆n kơtul dêh.

I Pet 2:7

Lu bơ̆n mă lui kơ Yêsu, bơ̆n gĭt kơ Sư tơpă. Gah lu bơngai mă ưh kơ lui, lu sư 'blep thoi tơdrong đe chih tơpă: “Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop Sư 'bơ̆t mum hnam.”

I Sam 14:38

Sôl khan: Ơ lu 'bok tih mă wei pơgơ̆r kon pơlei, đĭ-đăng athei năm jê̆ tơ âu, chă lăng tơdrong yoch đei pơm lăm năr 'nâu thoi yơ.