Êsai 19:12 - Sơ̆p Hlabơar Nơ̆r 'Bok Kei-Dei

¹² Lu bơngai hơgei iĕm tơ yơ? Athei lu sư roi kơ ih băt Kră Yang Tih Hloh hơmet lê̆ bơih wă pơm kiơ kơ dêh Êyiptơ.

Êsai 19:12 ပူးပေါင်းရင်းမြစ်များ

Êsai 14:24

Kră Yang Tih Hloh pơma pơkăm khan: “Tơpă tơdrong Inh pơkă lê̆ bơih sĭt sư gô đei truh, tơdrong Inh tơchĕng lê̆ bơih sư gô jing.

Êsai 44:7

Bu lei-lăi thoi Inh? Ăn kơ sư roi tơdrong noh, păng pơdah tơdrong noh kơ Inh đĭ tơdrong truh đơ̆ng năr Inh pơjing adrĕch adrung kon bơngai sơ̆, lê̆ lu sư roi bĕ tơdrong noh kơ lu bơ̆n đei tơdrong kiơ truh dang ei păng đei tơdrong kiơ truh đơ̆ng rŏng kơnh.

Êsai 5:21

Răm-'băm dêh kơ bơngai bu lăng kơdih akâu sư khan hơgei, pôk kơdih akâu sư khan bơngai hlôh wao!

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Ob 1:8

Kră Yang khan: Hăm trŏ lăm năr noh, inh gô pơlôch dôm lu bơngai hơgei đơ̆ng lăm pơlei Eđôm? Păng dôm lu bơngai hlôh wao đơ̆ng kông Êsâu?

Rom 9:17

Tơdrong noh thoi lăm sơ̆p hla bơar 'Bok Kei-Dei pơma kơ 'bok Pharôn pơtao đe Êyiptơ sơ̆ thoi âu: “Inh ăn kơ ih pơm pơtao arăng kơ̆l tôm tơdrong ưh kơ chu kơ Inh. Na mơsêh mơyang Inh blah ih, wă kơ kon bơngai ư-ang Inh jơ̆p kơ teh đak.”

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.

Lu 9:38

Na Sêbul khan kơ sư tơ yơ nơ̆r ih pơma pơang khan: Abimêlek sư bu mă lu bơ̆n athei chu bơ̆jang kơ sư? Noh hăm trŏ kơ lu bơngai mă ih pơjăm? Dang ei năm tơblah hăm lu sư bĕ!