Êsai 19:1 - Sơ̆p Hlabơar Nơ̆r 'Bok Kei-Dei

¹ Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 19:1 ပူးပေါင်းရင်းမြစ်များ

Horiso 104:3

Sư roh hơpok hnam kơpal sư tơ kơpal đak,a Sư yua hơmơ̆l pơm gre. Sư hao kơpal pơnăr kial.

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 18:9

Sư rĭ plĕnh, đơ̆ng noh jur;c Ala kơ jơ̆ng sư đei măng gueo.

Horiso 68:4

Hơri pơư bĕ kơ Kră Yang 'Bok Kei-Dei bơnê bĕ kơ anăn Sư; Man hơmet bĕ trong kơ Kră Yang hao hơmơ̆l năm rok anih glă; Anăn Sư jơ̆ Kră Yang; Chơt hiôk bĕ 'bơ̆t anăp Sư.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Êsai 13:1

Nơ̆r khan lê̆ adrol gah dêh char Babilôn mă Êsai kon Amôt 'bôh.

Êsai 13:7

Yua kơ thoi noh bơih na jơ̆ng ti đĭ rơdu, jơhngơ̆m rim 'nu kon bơngai đĭ hơwơ̆l hơwang.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 21:9

To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

Je 25:19

Pharaôn, pơtao dêh Êyiptơ, đĭ-đăng lu đĭch đam sư, đĭ-đăng lu kră pơgơ̆r păng lu kon pơlei sư.

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Je 44:8

Liơ lu iĕm tơblĕk inh hăm ti lu iĕm pơm, soh nhang 'bâu phu ăn kơ lu yang nai lăm dêh char Êyiptơ, dêh char mă lu iĕm 'nao năm oei, pŭ iŏk tơdrong pơrăm kơdih akâu, pơm kơ đe che bơle, blei hiap tơ lăm jơ̆p-jang adrĕch adrung lăm teh đak?

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Êsêkiên 30:13

Kră Yang khan: “Inh gô pơrăm lu rup yang păng pơrăm pơđĭ pơgoh lu rup yang đơ̆ng pơlei Nôp. Lăm char Êyiptơ ưh pă đei yŏng pơgơ̆r dơ̆ng; Inh gô ăn tơdrong hli krưp kơ lu bơngai lăm char Êyiptơ.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Na 1:1

Niniwe pŭ trăp sơ̆p hla bơar Nahum, bơngai pơlei Elkôs chih roi tơdrong sư 'bôh gah tơdrong wă phak Niniwe trăp tơpă.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Sa 10:11

Lu sư yak hlôi kơ đak dơsĭ anat dêh, yak rok đak dơsĭ poh-yă, đơ̆ng noh dơ̆ng dôm lu đak krong Nil mă jrŭ gô hrĕng kro, Inh gô pơrăm lê̆ đĭ dôm tơdrong pơang char Asiri păng 'long jra pơtao Êyiptơ gô hiong đĭ.

Sa 14:18

Tơdah lu adrĕch adrung bơngai Êyiptơ ưh kơ tŏk dah ưh kơ truh tơ noh, na 'mi kư̆m ưh kơ truh tơ lu sư; păng lu sư gô lôch hơbuh 'nâu, noh toi mă Kră Yang yua wă phak lu dêh char mă ưh kơ tŏk tơ pơlei Jêrusalem wă kơkuh năr giĕng bơsŭn.

Jo 33:4

Bơngai Êyiptơ oei 'bŭ kon lu sư mă đơ̆ng Kră Yang pơlôch, đĭ-đăng kon kơdră: Kră Yang phak lu yang lu sư.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Jôsuê 2:11

Lu nhôn kư̆m hlôi băt tơdrong noh, jơhngơ̆m hli mah hach hiong thoi đak ro, ưh kơ đei bu lăm lu nhôn wă nuih blah lu iĕm dơ̆ng, yua kơ Kră Yang 'Bok Kei-Dei lu iĕm boih Kră Yang 'Bok Kei-Dei tih hloh, mă oei tơ kơpal plĕnh ti păng ala teh âu.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.