Êsai 18:7 - Sơ̆p Hlabơar Nơ̆r 'Bok Kei-Dei

⁷ Lăm kơplah noh, lu adrĕch adrung bơngai kơjung akâu akar rơmuăn, jơ̆ lu adrĕch adrung krưp dêh, kon pơlei mă jê̆ mă ataih hli ngăl, minh pôm teh đak đei bơngai pran kơtang chă tơgar pơjuă pơđep, teh đak đei lơ chơnglah krong klah asong teh đak sư, adrĕch adrung noh bơih gô chĕp ba tơmam pơyơ̆r ăn kơ Kră Yang Tih Hloh, lăm anih 'măn kơ anăn Kră Yang Tih Hloh oei, jơ̆ kông Siôn.

Êsai 18:7 ပူးပေါင်းရင်းမြစ်များ

II Ho 32:23

Đei lơ bơngai năm pơyơ̆r lu tơmam soi kơ Kră Yang păng năm ba pơyơ̆r ăn tơmam gĭt kơ Hesekia pơtao Juđa tơ pơlei Jêrusalem; iŏk đơ̆ng năr noh năm tơ anăp Hesekia đe ư-ang pơyom tơ jơ̆p-jang kơ dêh char.

Horiso 68:32

Ơ lu dêh char kơpal teh, hơri bơnê bĕ kơ Kră Yang 'Bok Kei-Dei; Hat hơri bĕ kơ Kră Yang. Sêla

Êsai 16:1

Ba ăn bĕ triu kon thuê̆ kơ bơngai pơgơ̆r teh đak 'nâu, đơ̆ng pơlei Sêla rok char glă, truh tơ kông kon pơlei Siôn.

Êsai 18:2

Ih wơh lu bơngai pơtruh nơ̆r tŏk đak dơsĭ, hao thŏng-nan pik hăm chai đông kơpal đak! Ơ lu bơngai năm pơtruh nơ̆r hơbĕch hơbal, năm tơ teh đak lu bơngai kơjung akar rơmuăn. Tơ kon pơlei mă jê̆ mă ataih hli ngăl; minh pôm teh đak đei bơngai pran kơtang, chă tơgar pơjuă pơđep lu sư pơma nơ̆r phara krưp. Dêh char đei lơ chơnglah krong klah asong teh đak sư.

Êsai 18:4

Kră Yang khan bơih kơ inh thoi âu: “Inh gô oei hreh păng Inh gô răp lăng đơ̆ng anih Inh oei, thoi drang tŏ pơchrang hơdah đơ̆ng măt 'năr, thoi hơiuh đak ngom năr tŏ bơyan yuă.”

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Habakuk 1:7

Lu sư trŏ kơ hli krưp dêh tơpă, tơdrong pơrŏ pơang păng tơdrong sek tơlang tă kơ lĕch đơ̆ng lu sư kơdih.

Jêphania 3:10

Lu bơngai mă krao chă Inh, wă khan lu kon drŏ-kăn lu bơngai jrok tơklah tơklang tơ pah to đak krong Êthiôpi, gô năm pơm yang pơyơ̆r tơmam soi kơ Inh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 2:11

Lu sư mơ̆t lăm hnam na 'bôh hloi kon nge 'noh hăm mĕ Sư Mari. Lu sư sơtơ̆p kŭl-tăng kơkuh kơ Yêsu păng iŏk 'bar anăn pơgang 'bâu phu hăm maih đơ̆ng lăm kơdŭng lu sư pơyơ̆r kơ Yêsu.