Êsai 17:8 - Sơ̆p Hlabơar Nơ̆r 'Bok Kei-Dei

⁸ Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.

Êsai 17:8 ပူးပေါင်းရင်းမြစ်များ

II Sam 22:42

Lu sư krao ôr wă kơ dŏng, mă-lei ưh kơ đei bu dŏng tơgŭm, Lu sư krao chă Kră Yang mă-lei Kră Yang ưh kơ đei tơl nơ̆r.

II Ho 14:5

Sư kư̆m hŭt lê̆ đĭ lu jrăng gơ̆ng soi kơkuh kơ yang tơ anih kơjung păng chơnang soi đơ̆ng rim pơlei lăm char Juđa; dêh char sư pơgơ̆r đei hiôk-hian.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

II Ho 34:4

Đe teh pơchah lê̆ đĭ lu chơnang soi kơ lu rup yang Baal 'bơ̆t anăp sư, teh pơchah pơhĕch lu chơnang soh 'long 'bâu phu kơpal chơnang soi noh; lu rup yang Asêria, rup yang đe traih păng rup yang đe hling tuh, teh tơgơ̆ tơpơ̆k lê̆, teh pơhĕch, na iŏk prôi tơ kơpal bơsat lu bơngai lôch mă đêl soi sơn ah kơ sư păng pơm rup yang noh.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Êsai 1:29

Lu iĕm gô mơlâu kơ lu 'long kôih mă iĕm kơkuh; lu iĕm gô hlơ̆l kơ pơgar 'long mă đêl lu iĕm rơih iŏk.

Êsai 10:20

Lăm năr noh, dôm lu bơngai Isơrael mă oei oei. Dôm lu bơngai lăm adrĕch Jakôp oei klaih, gô ưh pă gơnang kơ bơngai mă pơrăm lu sư. Mă-lei gô gơnang sĭt kơ Kră Yang, Tơ'ngla 'Lơ̆ng Rơgoh Isơrael.

Êsai 17:9

Lăm năr noh lu pơlei tih kơjăp Isơrael gô jing anih đe lê̆ juơ tơ lăm bri roh dah tơ kơpal kông, kư̆m thoi lu anih đĭ jing juơ 'bơ̆t anăp lu đe Isơrael. Đĭ-đăng jing anih juơ rơhiăng.

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Êsai 44:15

'Long noh đe yua pơm 'long ŭnh tơkuh; iŏk tŏ sĕt pơm ŭnh wă nhur păng kư̆m yua wă tơkuh ŭnh pơm 'bĕng. Đe kư̆m yua iŏk 'long noh pơm rup yang na kơkuh kơ sư, Traih pơm minh pôm rup, na bon kơkuh kơ sư.

Je 17:2

Kon sâu lu sư kư̆m 'blŏk dơ̆ng kơ chơnang soi păng lu gơ̆ng rup yang Asêra mă đêl lu sư pơm, Tơ yơ̆p 'long hơmŭl. Tơ grôn groi kơjung.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.