Êsai 17:6 - Sơ̆p Hlabơar Nơ̆r 'Bok Kei-Dei

⁶ Mă-lei kư̆m oei đei 'ba hiơt tơ noh. Thoi kơ đe gơgŭ tơm plei 'long ôliwơ, plei sư kư̆m oei đei 'bar pêng tŏ tơ kơnhŏng wĕch ti, dah mă kư̆m oei puăn pơđăm tŏ plei tơ dơng sư. Kră Yang đe Isơrael khan.

Êsai 17:6 ပူးပေါင်းရင်းမြစ်များ

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 10:22

Ơ lu bơngai Isơrael, mă khan adrĕch adrung iĕm lơ thoi chuơh cheng đak dơsĭ, lăp tŏ sĕt đĕch gô wih brŏk. Đei pơkă bơih wă pơrăm hăm tơdrong tơpăt hơnơ̆ng.

Êsai 24:13

Adrĕch adrung kon bơngai oei kơpal teh âu gô đei thoi noh. Nhen thoi tơm 'long ôliwơ đĭ hơlŭng đơ̆ng đe gơgŭ păng thoi đe chă mok plei hơmu đơ̆ng rŏng kơ bơyan đe phĕ plei.

Êsai 27:12

Lăm năr noh kơnh Kră Yang preh ba đơ̆ng đak Krong Ơphrat truh tơ glung đak Êyiptơ, ơ kon pơlei Isơrael đe gô chă dônh iĕm minh 'nu, minh 'nu.

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Ob 1:5

Ô! Tơdrong răm tih gô truh kơ ih. Tơdah lu bơngai truh tơtông, tơgar đơ̆ng kơmăng, hăm trŏ lu sư tơtông iŏk lăp kơ mah đĕch? Tơdah lu bơngai phĕ plei hơmu năm truh tơ ih, hăm trŏ lu sư wơ̆l minh 'bar hơie?

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Rom 11:26

'Noh na đĭ lu bơngai Isơrael băt kơ 'nhĕng lu bơngai khŭl nai lui kơ 'Bok Kei-Dei, na đĭ lu sư wang lui kiơ̆, lu sư klaih đĭ dôm tơdrong yoch. Tơdrong noh kư̆m thoi đe chih roi lăm hla bơar 'Bok Kei-Dei sơ̆ thoi âu: “'Bok Dŏng Pơklaih wă năm đơ̆ng Pơlei Siôn tơ rim pơlei Isơrael, wă pơpuh tơjăk đĭ dôm tơdrong yoch đe Isơrael.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.

Lu 8:2

Mă-lei Giđêôn khan kơ lu sư: Dôm tơdrong jang inh pơm hăm wă gơh pơting inh hăm lu iĕm? Thoi mă plei hơmu lu bơngai Êphraim chă dônh hăm hloh kơ bơyan phĕ plei hơmu lu bơngai Abiêse?