Êsai 17:14 - Sơ̆p Hlabơar Nơ̆r 'Bok Kei-Dei

¹⁴ Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 17:14 ပူးပေါင်းရင်းမြစ်များ

II Pot 19:3

Lu sư khan kơ Êsai: “Hesekia khan: 'Năr 'nâu bơih jơ̆ năr răm tih, năr teh bơtho păng mơlâu thoi drŏ-kăn đĭ tôm khei 'năr sư bơih. Mă-lei jơhngơ̆m pran sư ưh kơ đei wă hơiơch hơ'lơ̆p noh.

II Pot 19:35

Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

Jop 20:29

Noh bơih mă tơdrong Kră Yang 'Bok Kei-Dei 'măn kơ lu bơngai pơm kơnê̆. Mŭk tơmam mă Kră Yang 'Bok Kei-Dei pơsư̆ kơ sư.

Horiso 37:36

Mă-lei đei bơngai yak rok ei to, Sư pă 'bôh boih; Inh chơchă sư, mă-lei pă tơ'bơ̆p boih.

Tơdrông Pơđơk 22:23

Yua kơ Kră Yang gô dŏng lu sư, Gô iŏk lê̆ tơdrong arih đơ̆ng lu bơngai tơgar iŏk tơmam lu sư.

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Êsai 21:12

Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 29:7

Đĭ-đăng teh đak lơlap lơlang bơngai năm blah pơlei Ariêl, đĭ-đăng năm wang blah pơlei kơjăp sư pơm kơ sư ơh sơ'ngon nhen apo, nhen tơdrong tơ'bôh kơplah kơmăng.

Êsai 30:28

Hơyuh Sư dui jơhngơ̆m thoi glung lơ̆p blai truh tơ ako, Sư wă um pơliĕng rim teh đak hăm tơdrong pơrăm păng sư yua dam pơhơ̆p tơ kon pơlei păng ba lu sư năm trong jrok.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 33:18

Jơhngơ̆m ih gô tơchĕng kơ tơdrong hli krưp dêh: “Lu đe chă dăr oei tơ yơ bơih? Lu bơngai iŏk tơmam thuê̆ tơ yơ bơih? Lu bơngai chă jô̆ hnam gak tơ yơ bơih?”

Êsai 34:17

Kră Yang hlang lăng bơih ăn kơ lu sư, Ti Kră Yang dăng tơlei klah asong ăn teh âu. Lu sư gô oei tơ noh ling-lang păng oei tơ noh đơ̆ng chăl âu truh chăl nai khŏm khŏm.

Êsai 41:12

Lu iĕm gô chă lu bơngai pơm kơnê̆ kơ iĕm, mă-lei ưh kơ 'bôh. Lu bơngai tơblah plơ̆ hăm iĕm gô lôch răm đĭ thoi ưh kơ đei.

Je 13:25

'Nâu boih tơdrong Inh 'măn lê̆ kơ iĕm, đei klah asong hơgăt lê̆ pha ăn kơ ih.” Noh Kră Yang khan: Yua kơ iĕm hiơt kơ Inh boih; na gơnang kơ rup yang hơlĕnh pơdăr.

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Je 49:10

Mă-lei Inh gô iŏk đĭ mŭk tơmam Êsâu, Inh pơih pơdah đĭ boih anih lu sư ôn, na kơ lu sư ưh pă gơh ôn đơ̆ng. Đe pơrăm pơlôch đĭ boih lu kon sâu sư, 'nhŏng oh sư, lu bơngai rông 'bôt sư, lu sư ưh pă đei bu oei arih. Ưh kơ đei bu chro ti dŏng tơgŭma

Êsêkiên 39:10

Lu sư ưh pă chă 'long ŭnh tơ chŭn, ưh pă chă 'long ŭnh tơ bri, yua tơmam tơblah wă tơkuh pơm 'long ŭnh, lu sư gô tơgar iŏk đơ̆ng lu bơngai tơgar iŏk đơ̆ng lu sư păng iŏk đơ̆ng lu bơngai mă iŏk đơ̆ng lu sư, Kră Yang khan.

Sa 2:12

Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.