Êsai 17:11 - Sơ̆p Hlabơar Nơ̆r 'Bok Kei-Dei

¹¹ Mă khan ih pơtăm, ih wei jing 'lơ̆ng ră, kiơ̆ pơgê pơm kơ sư arih đei pơkao kiơ̆ pơgê. Mă-lei lăm năr pơmat-tat jĭ jăn ưh kơ gơh klaih mă đei phĕ plei ưh kơđei yua kiơ ôh!

Êsai 17:11 ပူးပေါင်းရင်းမြစ်များ

Jop 4:8

Kiơ̆ thoi inh 'bôh bơngai mă choh hăm tơdrong kơnê̆, lu bơngai rei tơdrong pơmat-tat đĕch, gô kĕch iŏk tơdrong noh.

Horiso 90:6

Pơgê hrôih chăt bluh 'lơ̆ng. Kơsơ̆ sư jô kro.

Êsai 17:5

Sư thoi bơngai yuă 'ba, akŭm pơpôi đêl sư yuă yua ti sư yuă iŏk hơie 'ba kư̆m thoi đe chă dônh 'ba hơlŭng lăm thŭng Rêphaim.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Hôsia 8:7

Yua kơ lu sư rei boih kial, lu sư gô yuă iŏk hơbŭt tih; tơm 'ba lu sư oei dơ̆ng, mă-lei pă đei hnông, 'ba lu sư ưh pă đei găr pă jing phe; mă khan đei găr ră mă-lei lu bơngai tơmoi gô luăn sa đĭ.

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Jôel 1:17

Găr adrĕch đĭ jô bơih tơ lăm kơnglat teh; pơk mong adrĕch đĭ djuơh, yua kơ 'ba đĭ ưh pă đei bơih.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Both 28:39

Lu iĕm gô pơtăm plei 'long hơmu, mă-lei ưh kơ đei phĕ huch đak hơmu, yua kơ hơdrông kơnu gô sa pơrăm đĭ.