Êsai 16:6 - Sơ̆p Hlabơar Nơ̆r 'Bok Kei-Dei

⁶ Lu bơ̆n đei kơtơ̆ng bơih gah tơdrong lu bơngai Môap pơang, sư pơrŏ pơang dêh, pơma pôk kơdih mă-lei, tơdrong pơang sư jing tơdrong kơ đei.

Êsai 16:6 ပူးပေါင်းရင်းမြစ်များ

Tơdrông Pơđơk 21:24

Blei hiap, noh anăn lu bơngai pơang pơrŏ; Sư pơm kư̆ kă chă pôk pơang dêh.

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 25:10

Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 25:11

Mă lu sư gô pơdăng ti lu sư lăm noh, thoi bơngai glơi đak pơdăng ti sư wă glơi, mă-lei Kră Yang gô tơhuŏng lê̆ tơdrong pơang lu sư, Mă ti lu sư yơ̆r hơwơi ră.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Je 48:14

Liơ ih pơ̆n pơang khan: ‘Nhôn lu linh nuih păng lu linh pran kơtang lăm anih tơblah?’

Je 48:26

Pơhuch bĕ kơ lu sư dĭng suai, yua kơ pôk hơtŏk lu sư kơdih wă blah Kră Yang. Môap gô tơgrŏl lăm hăk lu sư kơdih, đe gô hiĕk ăr kơ lu sư.

Je 48:42

Char Môap đe gô pơrăm, sư ưh pă jing kon pơlei pơla dơ̆ng; yua kơ lu sư pơang pôk hơtŏk lu sư kơdih blah Kră Yang.”

Je 50:36

Đao gưm pơm kơ lu bơngai khan lê̆ adrol ô hơlĕnh, Lu sư gô jing bơngai kơwao! Đao gưm blah plơ̆ lu linh pran kơtang, lu sư gô hli tơrơ.

Am 2:1

Kră Yang khan: Yua kơ đơ̆ng kon pơlei Môap pơm yoch rai hloh kơ adrol, thoi ei na inh ưh kơ lê̆ ôh wă phak lu sư; yua kơ sư đei soh boih kơting pơtao char Eđôm wă pơm chŭr.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.