Êsai 14:30 - Sơ̆p Hlabơar Nơ̆r 'Bok Kei-Dei

³⁰ Kơplah 'nei kơnh lu bơngai dơnuh gô đei tơmam sa, bơngai kơ'bah hoh kơđei gô phĭ hiôk, mă-lei Inh gô pơm kơ yă 'bok tơm rơh adrĕch adrung ih lôch kơ pơngot, păng lu bơngai oei arih Inh gô pơlôch.

Êsai 14:30 ပူးပေါင်းရင်းမြစ်များ

Jop 18:13

Akar sư jô hŏnh yua kơ jĭ jăn, Kon kơdră yŏng tơdrong lôch pơrăm lê̆ jơ̆ng ti sư.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 29:19

Lu bơngai răm-'băm gô thim tơdrong chơt hiôk lăm Kră Yang, lu bơngai dơnuh hin gô 'nă hal lăm Tơ'ngla 'lơ̆ng rơgoh đe Isơrael.

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Êsai 3:15

Lu iĕm tơchĕng liơ pơjuă pơđep kon pơlei Inh, juă gơhlơ̆r muh măt lu bơngai dơnuh hin?” Kră Yang Tih Hloh khan thoi noh.

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Êsai 37:30

Ơ Hesekia tơdrong âu jơ̆ tơdra wă kơ ih kơnăl: Sơnăm 'nâu ih gô đei sa plei chăt bluh kơdih đơ̆ng lăm mir chŭn, sơnăm đơ̆ng rŏng ih oei sŏng sa phe 'ba chăt kơdih mơ̆n, truh sơnăm mă pêng, ih athei rei păng yuă, ih pơtăm bĕ 'long hơmu păng sa plei sư.

Êsai 5:17

Kơplah noh lu triu kon gô sa 'nhĕt, nhen thoi tơ tơmăn 'nhĕt sư kơdih, gah triu gô đei sa đêl đơ̆ng chŭn lu bơngai mơdrŏng lê̆ bri.

Êsai 51:19

'Bar tơdrong gleh 'nâu truh bơih kơ ih. Bu gô nhơ̆m hmoi kơ ih tơdrong pơrăm, pơngot rơwĕt păng đao gưm truh kơ ih, Bơngai bu gô pơlung ih.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Êsai 9:20

Manase blah Êphraim, Êphraim blah Manase păng 'bar pah măr sư tơblah hăm Juđa; Mă đơ̆ng thoi noh ră, Kră Yang oei mĭl hil kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Jêphania 3:12

Inh gô 'măn lê̆ tơ tŏk-bŏk ih oei đei minh adrĕch kon bơngai pơmat-tat, dơnuh hin, lu sư gô băt gơnang kơ Kră Yang.