Êsai 14:24 - Sơ̆p Hlabơar Nơ̆r 'Bok Kei-Dei

²⁴ Kră Yang Tih Hloh pơma pơkăm khan: “Tơpă tơdrong Inh pơkă lê̆ bơih sĭt sư gô đei truh, tơdrong Inh tơchĕng lê̆ bơih sư gô jing.

Êsai 14:24 ပူးပေါင်းရင်းမြစ်များ

Bl 41:32

'Bar wơ̆t pơtao apo, 'noh Kră Yang 'Bok Kei-Dei wă pơsĭt Sư gô pơm tơpă păng Sư kư̆m wă ăn jah truh ngei.

Jop 23:13

Mă-lei Kră Yang ưh kơ đei tơplih ôh. Bơngai bu pơ̆n tơplih Sư? Tơdrong kiơ Sư wă, Sư pơm hloi.

Horiso 110:4

Kră Yang đei pơkă pơkăm kơdih; Sư ưh kơ đei tơplih đon: “Ih jing 'bok soi ling-lang, kiơ̆ thoi Mêlkisêdek.”

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Horiso 92:5

Ơ Kră Yang, tơdrong jang Ih tih tơpă. Tơdrong tơchĕng Ih jrŭ dêh.

Le 17:16

Sư khan: Đei bơngai yơ̆r hla-kơ Kră Yang ling-lang, na Kră Yang tơblah hăm bơngai Amalek đơ̆ng jơhnơr 'nâu truh tơ jơhnơr nai.

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 19:12

Lu bơngai hơgei iĕm tơ yơ? Athei lu sư roi kơ ih băt Kră Yang Tih Hloh hơmet lê̆ bơih wă pơm kiơ kơ dêh Êyiptơ.

Êsai 19:17

'Bơ̆t ei kơnh teh đak Juđa jing minh tơdrong pơm ăn kơ Êyiptơ hli krưp mưh đe roi kơ Juđa rim 'nu hli ngăl, yua gah tơdrong tơdă Kră Yang Tih Hloh pơkă bơih wă pơm kơ char lu sư.

Êsai 55:8

Kră Yang khan: “Đon tơchĕng Inh phara kơ đon tơchĕng lu iĕm, trong lu iĕm phara kơ trong Inh.”

Êsai 55:9

Plĕnh kơjung hloh kơ teh dang yơ, na trong Inh kơjung hloh kơ trong lu iĕm păng. Đon tơchĕng Inh kơjung hloh kơ đon tơchĕng lu iĕm kư̆m dang noh.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.

Je 29:11

Kră Yang khan: “Yua kơ Inh băt tơdrong kiơ Inh pơkă wă pơm kơ lu iĕm. Inh đei pơkă ăn tơdrong hiôk-hian phĭ jơnap ưh kơ trŏ tơdrong kơnê̆ răm ôh, wă kơ lu iĕm đei tơdrong gơnang hơmĕng.

Je 44:26

Mă-lei, ơ đĭ-đăng bơngai Juđa hrei âu oei oei lăm dêh char Êyiptơ, mơ̆ng bĕ nơ̆r Kră Yang, khan: ‘'Nâu Inh yua anăn mơsêh tih Inh na pơkă, lăm dêh char Êyiptơ gô ưh pă đei minh 'nu bơngai Juđa ayơ mă gơh ha 'bơ̆r krao apinh anăn Inh dơ̆ng: Sĭt tơpă thoi Kră Yang arih!’

Je 49:20

Thoi noh mơ̆ng bĕ Kră Yang wă pơm kơ char Eđôm, păng tơdrong sư pơkă wă pơm kơ kon pơlei Têman: Mă lu kon triu oei iĕ đe gô rôp ba pơđĭ, Tơpă sư gô pơrăm lê̆ tơmăn 'nhĕt lu sư.

Je 50:45

Thoi noh, mơ̆ng bĕ tơdă Kră Yang đei hơmet boih wă pơrăm dêh char Babilôn, păng tơdrong sư pơkă wă pơm kơ dêh char bơngai Kalđê. Mă lu kon triu iĕ đe kư̆m rôp ba đĭ đe gô pơrăm đĭ tơmăn 'nhĕt jing bri.

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Êsêkiên 12:25

Yua kơ Inh boih Kră Yang, Inh gô pơma păng nơ̆r Inh pơma gô jing, ưh pă gơh lê̆ đunh. Ơ lu adrĕch ayăt 'maih tơblah plơ̆! Noh trŏ kơ năr lu iĕm, Inh khan hăm nơ̆r Inh sư gô pơsĭt, Kră Yang khan thoi noh.’ ”

Êsêkiên 39:4

Ih păng lu linh ih, hăm đĭ-đăng kon pơlei mă kiơ̆ ih gô pơ̆k kơpal groi kông Isơrael. Inh gô ăn kơ lu sem păr păng lu sem bri kăp sa.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Am 8:7

Kră Yang pao anăn sư mă Jakôp ư-ang, na pơkăm pơkă nơ̆r 'nâu: Sĭt inh ưh kơ đei layơ hiơt dôm tơdrong mă lu sư đei pơm!

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Êphêsô 1:9

tôm tơdrong Sư tam mă tơbăt ăn kơ đe đơ̆ng sơ̆. Tơdrong noh Sư wă ăn Yêsu Krist pơgơ̆r tôm tơdrong tơ plĕnh hăm tơ ala teh âu mă gô trŏ kơ năr Sư pơkă ei sơ̆.

Hêbrơ 4:3

Pôm bơ̆n bơngai lui gô mơ̆t pơdơh hăm Sư tơpă, yua kơ bơ̆n băt kơ Sư khan kơ lu bơngai noh sơ̆ khan: “Inh hil kơ lu sư thoi âu: ‘Iĕm pơm thoi noh, iĕm ưh kơ gơh layơ wă mơ̆t pơdơh tơ dêh char Inh.’ ” Lu bơngai noh ưh kơ gơh mơ̆t pơdơh hăm Sư, ưh kơ sĭ yua kơ anih hnam ưh kơ mah dah ưh kơ đei. Ưh ôh. Anih hnam hăm tôm tơdrong nai Sư hơmet lê̆ đơ̆ng blŭng-a Sư pơjing plĕnh păng teh sơ̆ boih.

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.