Êsai 14:2 - Sơ̆p Hlabơar Nơ̆r 'Bok Kei-Dei

² Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Êsai 14:2 ပူးပေါင်းရင်းမြစ်များ

Esơra 2:65

ưh kơ jô̆ lu đĭch đam mă drŏ-nglo mă drŏ-kăn; kơsô̆ lu sư noh tơpơh-rơbâu pêng-hrĕng pêng-jĭt tơpơh kư̆m đei 'bar-hrĕng 'nu bơngai drŏ-nglo drŏ-kăn hơri kiơ̆ lu sư mơ̆n.

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Êsai 18:7

Lăm kơplah noh, lu adrĕch adrung bơngai kơjung akâu akar rơmuăn, jơ̆ lu adrĕch adrung krưp dêh, kon pơlei mă jê̆ mă ataih hli ngăl, minh pôm teh đak đei bơngai pran kơtang chă tơgar pơjuă pơđep, teh đak đei lơ chơnglah krong klah asong teh đak sư, adrĕch adrung noh bơih gô chĕp ba tơmam pơyơ̆r ăn kơ Kră Yang Tih Hloh, lăm anih 'măn kơ anăn Kră Yang Tih Hloh oei, jơ̆ kông Siôn.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 60:4

Ngơk bĕ muh măt ih păng lăng. Đĭ-đăng lu sư akŭm băl wă năm tơkan tơ ih. Lu kon drŏ-nglo ih gô tơkan đơ̆ng ataih; lu kon drŏ-kăn ih đe gô kơ'mĭn glơng tơ ti.

Êsai 61:5

Lu bơngai tơmoi oei tơ noh wă wei rong khŭl triu lu iĕm, lu bơngai tơmoi gô choh mir chŭn păng pơtăm hơmu ăn kơ lu iĕm.

Êsai 66:12

Kră Yang khan thoi âu: “'Nâu, Inh gô ba ăn tơdrong hiôk-hian ro thoi đak krong, ba tơmam gĭt lu teh đak thoi đak glung 'bĕnh blai; lu iĕm gô mŏm păng pôk kơ'mĭn tơ kơtơh, păng tơoei hơ-on kơpal kŭl-tăng.

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Êsêkiên 39:10

Lu sư ưh pă chă 'long ŭnh tơ chŭn, ưh pă chă 'long ŭnh tơ bri, yua tơmam tơblah wă tơkuh pơm 'long ŭnh, lu sư gô tơgar iŏk đơ̆ng lu bơngai tơgar iŏk đơ̆ng lu sư păng iŏk đơ̆ng lu bơngai mă iŏk đơ̆ng lu sư, Kră Yang khan.

Da 7:18

Mă-lei lu 'bok 'lơ̆ng rơgoh đơ̆ng Kră Yang 'Bok Kei-Dei Tih hloh gô iŏk dêh char pơtao sư, dêh char noh oei oei ling-lang ưh pă đei tôch.

Jôel 3:8

Inh gô tĕch kon drŏ-nglo drŏ-kăn iĕm tơ lăm ti kon sâu Juđa, kon sâu Juđa gô tĕch lu sư tơ bơngai Sabean, mă adrĕch bơngai oei ataih dêh; Kră Yang đei khan bơih thoi noh.

Lêwi 25:44

Na lu đĭch drŏ-nglo đĭch drŏ-kăn mă ih đei, lu iĕm gơh răt đơ̆ng adrĕch bơngai tăp dăr kơ iĕm.

Ob 1:17

Mă-lei gô đei dôm lu bơngai gơh klaih oei tơ kông Siôn, kông noh jing 'lơ̆ng rơgoh pơm anih akŭm păng hnam Jakôp gô đei yua jang sa sư kơdih.

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Sa 2:9

Yua kơ âu, Inh gô yơ̆r ti Inh blah lu sư, lu sư gô jing tơmam lu bơngai jang kơ sư tơgar băl; păng lu iĕm gô băt kơ Kră Yang đei wơh inh truh tơ âu.

Luka 12:45

Mă-lei dah bơngai kai noh tơchĕng lăm to sư kơdih khan: Yŏng inh wă wih oei đunh, na bơngai kai noh chă tôn teh lu bôl buăl sư mă drŏ-nglo drŏ-kăn, na sư sa et tơ̆p suai,

Rom 15:27

Lu bơngai mă tơgŭm jên noh lu sư lăp đon kơ tơgŭm tơpă, yua kơ lu sư dang hre kơ lu bơngai Juđê, đơ̆ng lu bơngai Juđê bơtho lu sư tơdrong 'Bok Kei-Dei sơ̆, noh na lu sư tơgŭm lu bơngai Juđê jên.

II Kor 10:5

păng dôm tơdrong ưh kơ 'lơ̆ng, ưh kơ trŏ đon kon bơngai tơchĕng, tơdrong lu sư wă pơgăn tơdrong 'Bok Kei-Dei. Nhôn athei lu sư chu yom kơ Yêsu Krist lăm tôm tơdrong.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Êphêsô 4:8

Tơdrong 'noh kư̆m thoi đe chih khan lê̆ tơ lăm sơ̆p hla bơar 'Bok Kei-Dei sơ̆ thoi âu: “Lăp Sư tŏk tơ plĕnh ti Sư anhăk ba lơ lu bơngai bơnă mă đêl ayăt kơ Sư, păng Sư asong tơmam ăn kơ dôm lu bơngai mă Sư 'mêm.”

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.