Êsai 14:17 - Sơ̆p Hlabơar Nơ̆r 'Bok Kei-Dei

¹⁷ Pơm kơ lu dêh char jing teh glă, pơrăm lê̆ lu plei tih, păng ưh kơ tơlĕch lu bơngai pơm bơnă brŏk tơ hnam sư kơdih?”

Êsai 14:17 ပူးပေါင်းရင်းမြစ်များ

Êsai 14:16

Lu bơngai 'bôh ih gô lăng pơglăn tơ ih ưh kơ tơtĕp măt, lăng tơdrong truh kơ ih hlĭch na khan: “Hăm trŏ kơ bơngai âu pơm kơ teh tơdrŏ, pơm kơ lu dêh char hli tơtơ̆?

Êsai 14:18

Đĭ-đăng pơtao rim teh đak. 'Bĭch lăm bơsat ư-ang lu sư.

Êsai 45:13

Inh gô tơiung sirus pơm tơdrong 'lơ̆ng tơpăt Inh, păng gô pơm ăn kơ trong sư tơpăt, sư gô pơm ming pơlei tih Inh păng tơlĕch lu kon pơlei Inh đơ̆ng đe puh ba pơm bơnă ưh kơ kăl kơ huai iŏk hăm tơmam apah ôh.” Kră Yang Tih Hloh khan thoi noh.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Je 50:33

Kră Yang Tih Hloh khan: “Kon pơlei Isơrael đe pơjuă pơđep păng Juđa kư̆m lei-lăi, Đĭ-đăng lu bơngai mă rôp lu sư, Rôp pơkơ̆ng lu sư kơjăp ưh kơ wă achăng lu sư.

Êsêkiên 32:23

Bơsat lu sư lê̆ tơ lăm sơlŭng jrŭ, lu kon pơlei oei jum dăr kơ bơsat noh, đĭ-đăng lu sư noh đe pơlôch hăm đao; lu bơngai noh boih bơngai mă pơm kơ teh đak lu bơngai arih hli.

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.

Habakuk 1:7

Lu sư trŏ kơ hli krưp dêh tơpă, tơdrong pơrŏ pơang păng tơdrong sek tơlang tă kơ lĕch đơ̆ng lu sư kơdih.