Êsai 14:13 - Sơ̆p Hlabơar Nơ̆r 'Bok Kei-Dei

¹³ Mă ih tơchĕng lăm to khan: “Inh gô tŏk tơ kơpal plĕnh, inh gô hơtŏk tang-dŏ pơtao inh tơ kơpal hloh kơ lu hơnglŏng Kră Yang 'Bok Kei-Dei, inh gô tŏk hơ-oei kơpal tang-dŏ pơtao tơ kơpal kông anih lu yang akŭm, tôch tơ gah yă-nơ̆m.

Êsai 14:13 ပူးပေါင်းရင်းမြစ်များ

Jop 20:6

Mă khan lu bơngai noh sư pơang truh tơ plĕnh Mă kơ̆l lu sư hơtŭt kơ hơmơ̆l,

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Je 49:16

Ih pơm kơ đe hli tơrơ, tơdrong kơnê̆ ih, tơdrong ih pơang blơ̆ ih boih; ơ bơngai mă oei lăm hơgơp tơmo. Oei kơpal wĕch kông; mă khan ih pơm tơpu kơjung thoi sem klang.” Inh gô tơhuŏng ih đơ̆ng noh, Noh Kră Yang khan.

Êsêkiên 27:3

Khan bĕ kơ pơlei Tirơ: Ih jing pơlei oei trong 'măng jang đak dơsĭ, mơdro sa hăm lơ pơlei oei lăm bŏl dơsĭ: Kră Yang khan thoi âu: ‘Ơ Tirơ, ih đei khan: Inh 'lơ̆ng hơbŏ tôm tĕch.

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 28:9

'Bơ̆t anăp lu bơngai pơlôch ih, ih hăm pơ̆n pơma; “Inh âu yang?” Tơpă ih bơngai đĕch, ưh kơ sĭ yang ôh, lăm ti lu bơngai pơlôch ih.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 31:10

Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Êsêkiên 40:2

Lăm tơdrong tơ'bôh đơ̆ng Kră Yang 'Bok Kei-Dei, Sư chông ba inh năm tơ char Isơrael păng dan inh 'bơ̆t kông kơjung, kơpal kông. Gah gơal kông noh 'bôh đei minh pôm pơlei.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”