Êsai 14:1 - Sơ̆p Hlabơar Nơ̆r 'Bok Kei-Dei

¹ Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 14:1 ပူးပေါင်းရင်းမြစ်များ

Esther 8:17

Lăm rim tơring, rim pơlei, anih ayơ mă đei iŏk hla bơar pơkă đơ̆ng pơtao truh tơ tơring noh đei tơdrong chơt hiôk chhôk hơiă kơ adrĕch adrung Juđa, minh năr et sa chơt hiôk. Đei lơ lu bơngai lăm adrĕch char đe nai kư̆m khan kơ lu sư bơngai Juđa yua kơ lu sư hli dêh kơ bơngai Juđa pơm kơ lu sư.

Horiso 102:13

Ih gô iung păng 'mêm kơ Siôn; Trŏ boih năr wă mơnat ăn kơ Siôn, năr đêl pơkă truh boih.

Horiso 102:14

Lu đĭch đam Ih 'mêm dêh kơ tơmo Siôn. Păng 'mêm kơ 'mui teh sư mơ̆n.

Horiso 143:12

Yua kơ tơdrong 'mêm mơnat Ih. Apinh Ih pơlôch pơrăm đĭ bĕ lu ayăt kơ inh, Păng pơrăm lê̆ lu bơngai pơjuă pơđep inh; Yua kơ inh jing đĭch đam Ih.

Horiso 98:3

Sư 'blŏk kơ tơdrong 'mêm mơnat păng tơdrong 'lơ̆ng tơpăt Sư hăm bơngai Isơrael; Đơ̆ng tôch kơ teh đak 'bôh boih tơdrong Kră Yang lu bơ̆n dŏng pơklaih.

Êsai 19:18

Lăm năr noh, tơ dêh Êyiptơ, đei pơđăm tŏ pơlei pơma nơ̆r Kanaan păng pơkăm pơkă hăm anăn Kră Yang Tih Hloh, lăm lu pơlei noh đei minh pôm pơlei đe krao pơlei pơlôch pơrăm.

Êsai 21:1

Nơ̆r khan lê̆ adrol kơ char glă oei rok cheng đak dơsĭ. Thoi kial hơbŭt pơrăm char gah gơal. Sư lĕch đơ̆ng char glă đơ̆ng teh đak hli krưp.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 41:8

Mă-lei iĕm, ơ bơngai Isơrael, đĭch đam Inh, păng iĕm ơ adrĕch Jakôp bơngai mă Inh đei rơih iŏk bơih, adrĕch adrung Abraham buăl Inh.

Êsai 41:9

Inh iŏk iĕm đơ̆ng tôch kơ teh đak, krao iŏk iĕm đơ̆ng puăn pah mum teh; Inh khan kơ iĕm: Iĕm bơih đam Inh, Inh rơih iŏk iĕm bơih, ưh kơ đei layơ achăng lê̆ ih.

Êsai 44:1

“Dang ei mơ̆ng bĕ, ơ Jakôp đam Inh, ơ Isơrael mă Inh rơih iŏk bơih.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 56:3

Bơngai tơmoi pơgơ̆p hăm Kră Yang bơih 'nĕ kơ pơma khan: “Kră Yang sĭt gô lăng inh pha kơ kon pơlei Sư.” 'Nĕ ăn bơngai krĕo kư̆m pơma khan: “Inh jơ̆ tơnơm 'long kro.”

Êsai 60:10

Lu bơngai tơmoi gô man pơdơ̆ng ming dur ih păng pơtao lu sư gô bơ̆jang kơ ih kơplah Inh hil mĭl đei teh tôn mă-lei 'bơ̆t Inh mơnat, Inh pơm 'lơ̆ng kơ ih dơ̆ng.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Je 16:15

mă-lei đe pơma khan: ‘Sĭt thoi Kră Yang arih, Tơ'ngla đei chông anhăk tơlĕch bơngai Isơrael đơ̆ng char gah yă-nơ̆m păng đơ̆ng đĭ-đăng char mă đêl Sư pơpuh tơweh lu sư,’ yua kơ Inh gô ba lu sư brŏk tơ char lu sư, char mă Inh đei ăn boih kơ 'bok yă lu sư.”

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 30:8

Kră Yang Tih Hloh khan: “Lăm năr noh Inh gô gơ̆ lê̆ 'long ăt đơ̆ng ako lu sư; păng hrĕch lê̆ tơlei đêl đe chô̆ lu sư, ưh pă pơm đĭch kơ dêh tơmoi dơ̆ng;

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Je 50:33

Kră Yang Tih Hloh khan: “Kon pơlei Isơrael đe pơjuă pơđep păng Juđa kư̆m lei-lăi, Đĭ-đăng lu bơngai mă rôp lu sư, Rôp pơkơ̆ng lu sư kơjăp ưh kơ wă achăng lu sư.

Je 51:51

Lu nhôn mơlâu dêh, yua kơ đe pơjăm pơjuă lu nhôn, tơdrong mơlâu gom 'bĕnh kơ muh măt lu nhôn. Yua kơ lu bơngai tơmoi mơ̆t boih lăm Anih 'Lơ̆ng Rơgoh Kră Yang.”

Êsêkiên 16:60

Mă-lei, Inh gô 'blŏk tơdrong pơgơ̆p mă Inh đei pơgơ̆p hăm ih kơplah ih oei 'lơ̆p. Inh gô pơm tơdrong pơgơ̆p 'nao khŏm khŏm ling-lang hăm ih.

Êsêkiên 47:22

Lu iĕm athei hlang lăng klah asong teh âu wă jang sa, ăn kơ lu iĕm păng ăn kơ lu bơngai tơmoi mă oei hơdai lu iĕm păng pơjing lu kon sâu tơ lăm lu iĕm. Lu iĕm kư̆m lăng lu sư thoi adrĕch kon sâu Isơrael. Lu sư kư̆m dai gơh đei asong teh jang sa thoi lu iĕm mă oei hơdai lăm adrĕch bơngai Isơrael.

Sa 1:17

Ôr ră roi pă minh 'măng dơ̆ng bĕ thoi âu: ‘Lu pơlei tih Inh gô oei đei 'bĕnh kơ tơdrong hiôk jơnap, Kră Yang kư̆m oei pơlung Siôn păng oei rơih iŏk Jêrusalem.’ ”

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Luka 1:54

Sư tơgŭm lu bơ̆n bơngai Isơrael mă đĭch Sư, yua kơ Sư pơkă đơ̆ng sơ̆ khan wă mơnat kơ lu bơ̆n.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”