Êsai 13:14 - Sơ̆p Hlabơar Nơ̆r 'Bok Kei-Dei

¹⁴ Kơplah ei kơnh rim 'nu nhen thoi kơtŏng đe druh prah, thoi khŭl triu ưh kơ đei bơngai wei, lu sư gô brŏk tơ kon pơlei sư kơdih, gô kơdâu klĕnh brŏk tơ dêh sư kơdih.

Êsai 13:14 ပူးပေါင်းရင်းမြစ်များ

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”

I Pot 22:36

Lăp 'năr wă mơ̆t bơih đei nơ̆r pơma rơ̆n đơ̆ng lăm lu linh khan: “Rim 'nu athei brŏk tơ pơlei sư kơdih păng rim 'nu athei weh tơ char sư kơdih!”

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsai 21:15

Lu sư kơdâu đơ̆ng đao gưm, đơ̆ng đao đe toh đơ̆ng hơnglop, đơ̆ng hră đe hơ'năk bơih, kơdâu ôn đơ̆ng tơdrong tơblah wang.

Êsai 47:15

Đĭ dôm lu bơngai jang gleh hrat hơdai ih jing thoi noh: Dôm lu bơngai mơdro mơchan hăm ih đơ̆ng oei 'lơ̆p. Rim 'nu jrok kiơ̆ trong kơdih, ưh kơ đei bu dŏng pơklaih ih!

Je 25:12

Kră Yang khan: “Mưh đĭ kơ tơpơh-jĭt sơnăm noh boih, Inh gô phak pơtao Babilôn păng kon bơngai lăm char noh, yua kơ tơdrong yoch lu sư. Inh gô phak char bơngai Kalđê pơm ăn kơ char noh jing juơ hlŏng hloi.

Je 50:16

Pơrăm bĕ bơngai rei adrĕch đơ̆ng lăm dêh char Babilôn hăm bơngai mă chĕp săng kô bơyan yuă; yua kơ đao lu bơngai wă blah pơrăm, ăn kơ rim 'nu brŏk tơ kon pơlei sư kơdih rim 'nu kơdâu brŏk tơ char sư kơdih.

Je 51:9

Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Na 3:18

Ơ pơtao Asiri, lu bơngai wei triu ih tep đĭ. Lu bơngai hơgei pơm yŏng lu sư pơdơh hiôk đĭ boih; kon pơlei ih kơdâu tơklah tơklang tơ jơ̆p kông ưh kơ đei bu krao akŭm lu sư dơ̆ng.

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

Markôs 6:34

Lăp Yêsu jur đơ̆ng thŏng-nan, Sư 'bôh lơ bơngai tơpă gô Sư tơ anih 'noh. Na Sư mơnat dêh kơ lu bơngai tơpôl 'noh yua kơ lu bơngai tơpôl 'noh thoi lĕ triu ưh kơ đei bơngai wei-lăng. Na Sư bơtho lu đe ei lơ tơdrong.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.