Êsai 13:11 - Sơ̆p Hlabơar Nơ̆r 'Bok Kei-Dei

¹¹ Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 13:11 ပူးပေါင်းရင်းမြစ်များ

Jop 40:12

Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Tơdrông Pơđơk 11:31

Bơngai 'lơ̆ng tơpăt, Kră Yang gô apah bơnê kơpal teh. Pơma kiơ kơ lu bơngai pơm kơnê̆ pơm yoch gô phak ngei.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 14:21

Hơmet bĕ tơdrong pơlôch kon sâu lu sư yua kơ tơdrong yoch lu yă 'bok lu sư, 'Nĕ ăn kơ lu sư iung iŏk teh đak, pơjing plei tih kơjăp jơ̆p kơ teh đak dơ̆ng!

Êsai 14:5

Kră Yang gơ̆ lê̆ bơih 'long băl lu bơngai pơm kơnê̆, păng gơ̆ lê̆ 'long jra lu pơtao pơgơ̆r.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 22:14

Kră Yang Tih Hloh roi tơbăt lăm đon inh: “Tơdrong yoch 'nâu ưh kơ gơh mơnat ăn ôh dĭng truh năr lu iĕm lôch.” Kră Yang Tih Hloh khan thoi noh.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 24:21

Năr noh kơnh Kră Yang gô phak lu linh jang kơnê̆ tơ kơpal plĕnh ti păng phak lu yŏng pơgơ̆r kơnê̆ lăm teh âu.

Êsai 25:3

Noh bơih na lu kon pơlei đơ̆ng dêh char pran kơtang gô ư-ang kơ Ih, pơlei tih lu adrĕch adrung bơngai pơm kơnê̆ krưp gô hli yom kơ Ih.

Êsai 25:5

Thoi tŏ lăm char glă, Ih chĭt lê̆ nơ̆r ôr jơwa lu bơngai tơmoi. Ih găn lê̆ hreh nơ̆r hơri 'nă hal lu bơngai pơm kơnê̆, nhen thoi hơyuh tŏ hiong kơ yơ̆p hơmơ̆l.

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Êsai 29:20

Lu bơngai pơm kơnê̆ gô lôch đĭ, lu bơngai che bơle pơjăm đe gô lôch hiong đĭ, lu bơngai răp pơm tơdrong kơnê̆ gô kăl tơpăk đĭ.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Êsai 5:15

Lu bơngai hmă gô kŭp kơ̆l, kon bơngai gô tơjur, lu bơngai pơang gô lê̆ tơ ala.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 48:29

Lu nhôn kơtơ̆ng boih char Môap pơang dêh, pơrŏ dêh pơm khuơ̆ 'mơng, pơang pơrŏ, pôk kơdih akâu,”

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.