Êsai 11:3 - Sơ̆p Hlabơar Nơ̆r 'Bok Kei-Dei

³ Sư hiôk chơt lăm tơdrong hli yom kơ Kră Yang, Sư ưh kơ sek tơlang kiơ̆ kơ măt 'bôh, kư̆m ưh kơ sek kiơ̆ đon Sư kơtơ̆ng.

Êsai 11:3 ပူးပေါင်းရင်းမြစ်များ

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

II Sam 14:8

Pơtao khan kơ bơngai drŏ-kăn: “Huay, ih wih tơ hnam bĕ; inh gô pơm tơdrong âu ăn kơ ih.”

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

Jop 12:11

Hăm trŏ kơ đon băt hơlen nơ̆r pơma, thoi hơpiĕt băt liah tơmam sa 'lơ̆ng kơnê̆?

Jop 34:3

Yua kơ đon mơ̆ng kơtơ̆ng băt kơ nơ̆r pơma, thoi hơpiĕt liah mơn 'băt kơ tơmam sa.

Tơdrông Pơđơk 2:5

Kơplah noh ih gô băt hlôh kơ tơdrong hli yom kơ Kră Yang; Păng 'bôh tơdrong hlôh wao Kră Yang 'Bok Kei-Dei,

Tơdrông Pơđơk 2:9

Kơplah noh ih gô băt hlôh tơdrong tơpăt tơdrong trŏ, Tơdrong tơpăt hơnơ̆ng, rim trong 'lơ̆ng rŏ.

Êsai 33:6

Sư bơih gô pơm kơjăp lăm chăl lu iĕm, Sư boih tơdrong dŏng pơklaih, tơdrong hlôh wao, tơdrong gơh hơgei 'bĕnh blai, tơdrong hli yom kơ Kră Yang jơ̆ tơmam gĭt iĕm.

Êsêkiên 45:8

Noh boih teh lu yŏng pơgơ̆r jang sa lăm char Isơrael; lu yŏng pơgơ̆r ưh pă pơjuă pơđep kon pơlei Inh dơ̆ng, mă-lei lu yŏng gô ăn kơ bơngai Isơrael oei tơ teh asong Kiơ̆ adrĕch adrung lu sư.

Mi 4:3

Sư gô pơjing tơdrong sek tơlang tơ rim adrĕch adrung, sek tơbăt tơpăt kơ dôm lu dêh char pran kơtang oei tơ anih ataih; păng lu sư gô iŏk đao hơjơ̆m pơm pla 'nhik choh, iŏk hơlă pơm pla săng kô; dêh âu pă đei iung blah dêh nai păng kư̆m pă đei pơhrăm tơdrong wă tơblah dơ̆ng.

Luka 2:52

Na Yêsu 'brư̆ kơ khei 'brư̆ kơ sơnăm rai 'lŏ rai hơgei, mă 'Bok Kei-Dei mă kon bơngai kư̆m lăp đon kơ Sư ngăl.

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 7:24

Iĕm 'nĕ kơ sek tơlang kiơ̆ kơ jơhngơ̆m iĕm pran. Iĕm athei sek tơlang mă tơpăt, athei tơchĕng mă tôm tơdrong hơdrol 'mơ̆i.”

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.