Êsai 11:15 - Sơ̆p Hlabơar Nơ̆r 'Bok Kei-Dei

¹⁵ Kră Yang gô pơm kơ đak dơsĭ Êyiptơ hrơ̆ đĭ; Kră Yang yơ̆r ti sư kơpal đak krong Ơphrat hăm kial tŏ, Sư blah song krong noh jing tơpơh chơnglah, wă kơ đe yak năm lăm krong noh jơ̆ng ưh kơ hơiuh ôh.

Êsai 11:15 ပူးပေါင်းရင်းမြစ်များ

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Le 14:22

kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.

Le 14:29

Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 43:16

Kră Yang khan: “Sư boih Tơ'ngla pơih bơih trong lăm đak dơsĭ, păng pơm trong rok đak ro jăng.

Êsai 44:27

Sư khan kơ sơlŭng jrŭ ‘hrơ̆ hrĕng bĕ, Inh gô pơm kơ lu krong hrơ̆ kro.’

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 63:12

Tơ'ngla mă pơm kơ kơkŏng ti ư-ang pran kơtang Kră Yang năm gah ti 'ma Môis. Mă pơm kơ đak dơsĭ tơklah 'bơ̆t anăp lu sư? Wă kơ anăn Kră Yang oei đei ling-lang ưh kơ đei tôch.

Êsai 7:20

Lăm năr noh Kră Yang gô yua săng kôih mưng đơ̆ng pah to krong, noh wă khan pơtao Asiri na hơkôih đĭ sŏk kơ̆l, sŏk sop jơ̆ng păng sŏk kang lu iĕm dơ̆ng mơ̆n.

Êsai 8:7

Thoi noh, na âu, Kră Yang ăn đak lơ̆p krong ro jăng păng đak tih ro truh tơ lu sư, noh wă khan pơtao Asiri păng đĭ-đăng tơdrong 'lơ̆ng rŏ sư. Đak gô ro blai đĭ-đăng lu hơbong păng lơ̆p đĭ-đăng lu bơnơ̆.

Êsêkiên 29:10

lei na 'nâu, Inh blah ih păng lu krong ih, Inh gô pơm kơ char Êyiptơ iŏk đơ̆ng pơlei Mikdôl păng pơlei Aswan truh tơ hơdral Êthiôpi jing juơ tơtŭng.

Êsêkiên 30:12

Inh gô ăn kơ đak krong hrơ̆ păng tĕch ăn teh đak kơ lu bơngai kơnê̆. Inh gô yua ti lu kon tơmoi pơm kơ teh noh hăm lu tơmam lăm noh jing răm pă đei. Inh boih Kră Yang khan nơ̆r 'nâu.

Sa 10:11

Lu sư yak hlôi kơ đak dơsĭ anat dêh, yak rok đak dơsĭ poh-yă, đơ̆ng noh dơ̆ng dôm lu đak krong Nil mă jrŭ gô hrĕng kro, Inh gô pơrăm lê̆ đĭ dôm tơdrong pơang char Asiri păng 'long jra pơtao Êyiptơ gô hiong đĭ.

Tơdrông Tơ'bôh 16:12

Linh jang mă tơdrâu tuh đak pơgang đơ̆ng pơnhan sư tơ krong tih mă đe anăn krong Êphrat, na krong ei jing hrơ̆ hloi jing trong hrĕng 'lơ̆ng ăn kơ lu 'bok pơtao đơ̆ng gah hơlĕch wă năm tơblah.