Êphêsô 5:33 - Sơ̆p Hlabơar Nơ̆r 'Bok Kei-Dei

³³ Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

Êphêsô 5:33 ပူးပေါင်းရင်းမြစ်များ

I Pot 1:31

Yă Batsêba kŭp kơ̆l drap tơ teh kơkuh kơ pơtao Đawit păng khan: “Hơpơi yŏng inh pơtao Đawit arih sot!”

Esther 1:20

Thoi noh tơdah layơ nơ̆r pơtao noh đei roi tơbăt tơ jơ̆p-jang lăm teh đak ih, mă să păng tih dêh, lei na đĭ-đăng lu drŏ-kăn gô chu yom kơ klo lu sư, mă mơdrŏng yŏng mơng truh tơ bơngai pă rơ-a.

Horiso 45:11

Na pơtao gô hưch wă kơ 'lơ̆ng guăng ih. Yua kơ sư jơ̆ yŏng kơdră ih, Chu yom bĕ kơ sư.

Êphêsô 5:22

Lu bơngai pơm akăn, dang ei iĕm lui boih kơ Yêsu Krist, iĕm athei chu yom kơ klo iĕm gô mơ̆ng kơ sư pơgơ̆r.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

Êphêsô 5:32

'Bok Kei-Dei tơbăt ăn kơ bơ̆n tơdrong noh kăl tơpă. Tơdrong noh wă khan Yêsu Krist hăm lu bơngai lui kơ Sư dang lĕ kơ minh sĕch minh akar boih.

Kôlôsê 3:19

Ơ lu bơngai drŏ-nglo, iĕm athei băt 'mêm kơ akăn iĕm, 'nĕ kơ hơwĕng kơ sư.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.