Êphêsô 5:29 - Sơ̆p Hlabơar Nơ̆r 'Bok Kei-Dei

²⁹ Ưh kơ đei bu khan ưh kơ 'mêm kơ akâu sư kơdih ôh, đĭ-đăng bơngai tă 'mêm kơ akâu sư kơdih ngăl, thoi noh na bơ̆n băt kơ 'me sa akâu bơ̆n kơdih, băt kơ wei-lăng akâu bơ̆n kơdih, thoi Yêsu Krist wei-lăng lu bơ̆n bơngai lui kơ Sư.

Êphêsô 5:29 ပူးပေါင်းရင်းမြစ်များ

Bl 2:23

Ađam khan thoi âu: “Bơngai âu kơting đơ̆ng kơting inh, sĕch đơ̆ng sĕch inh. Bơngai âu gô krao anăn sư bơngai drŏ-kăn, yua kơ sư đei đơ̆ng bơngai drŏ-nglo.”

Tơdrông Pơđơk 11:17

Bơngai iơ̆m dim thim hiôk kơ bơhngol sư; Mă-lei lu bơngai pơm kơnê̆ gô pơrăm sĕch akar sư.

Bôk Bơthô 4:5

Bơngai kơtul sư kuăr ti ngôi đĕch, noh pơrăm sư kơdih.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Rom 1:31

Bơ̆n pơm tôm tơdrong kơnê̆ kư̆ kă, đon bơ̆n jing ưh kơ tơpăt nŏng kơ hơlĕnh kơ đe ling-lang, ưh kơ băt mơnat kơ bôl buăl tŏ sĕt.

Êphêsô 5:28

Lu bơngai pơm klo athei 'mêm kơ akăn sư yua kơ bre sư jing minh sĕch minh akar boih. Bơngai bu 'mêm kơ akăn sư thoi noh, bơngai noh 'mêm kơ akâu sư kơdih thoi noh mơ̆n.

Êphêsô 5:30

Na lu bơ̆n âu boih dang akâu akar Yêsu Krist.

Êphêsô 5:31

Tơdrong noh thoi đe chih khan lê̆ tơ lăm sơ̆p hla bơar 'Bok Kei-Dei sơ̆ thoi âu: “Bơngai pơm klo pơm akăn tơklah đơ̆ng mĕ 'bă sư kơdih na oei hơdai, bre sư jing minh sĕch minh akar.”