Êphêsô 5:24 - Sơ̆p Hlabơar Nơ̆r 'Bok Kei-Dei

²⁴ Na lu bơngai pơm akăn iĕm athei chu yom kơ klo iĕm pơgơ̆r lăm tôm tơdrong, thoi lu bơ̆n bơngai lui chu yom kơ Yêsu Krist.

Êphêsô 5:24 ပူးပေါင်းရင်းမြစ်များ

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Le 29:35

'Nâu kiơ̆ kơ tơdrong Inh pơkă, ih athei pơm thoi noh kơ Arôn hăm lu kon drŏ-nglo sư păng ih athei pơm dôm tơdrong noh kơ lu sư lăm tơpơh năr.

Luka 10:17

Lu tơpơh-jĭt 'nu noh năm chă bơtho đe păng chă pơklaih lu bơngai jĭ jăn. Klaih kơ noh lu sư wih tơ Yêsu. Lu sư khan: “Ơ 'Bok, nhôn gơnang kơ anăn Ih, mă lu yang kơnê̆ kư̆m chu kơ nhôn mơ̆n.”

Êphêsô 5:23

Yua kơ klo iĕm sư trŏ kơ pơgơ̆r iĕm kư̆m thoi Yêsu Krist pơgơ̆r lu bơngai lui kơ Sư; Yêsu Krist Sư ăn akâu Sư kơdih pơklaih lu bơngai lui kơ Sư.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

Êphêsô 5:33

Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

Kôlôsê 3:20

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm lăm tôm tơdrong yua kơ iĕm lui boih kơ Kră Yang Yêsu Krist. 'Bok Kei-Dei Sư lăp đon thoi noh.

Kôlôsê 3:22

Ơ lu bơngai đĭch đe, iĕm athei chu yom kơ lu yŏng tơ'ngla iĕm lăm tôm tơdrong. Iĕm athei jang mă tơpă, ngê̆ kiơ kơ yŏng iĕm gŏk gô na jang, iĕm kư̆ kơ jang đĕch, yua kơ iĕm lui boih kơ Yŏng bơ̆n Yêsu Krist.

Tit 2:7

Păng ih kơdih athei pơm 'lơ̆ng tơpăt lăm tôm tơdrong wă kơ lu bơngai lui pơm kiơ̆ thoi ih. Ih bơtho đe mă trŏ pơm mă khuơ̆ khuơ̆ wă kơ đe lăng bơ̆n bơtho tơpă.

Tit 2:9

Gah bơngai đĭch, lu bơngai khŭl iĕm lu mơ'nah đĭch đe, sư athei lui yom kơ yŏng tơ'ngla sư, bơ̆jang mă 'lơ̆ng wă kơ yŏng sư lăp đon, 'nĕ hil tơplơ̆ kơ yŏng sư. Păng 'nĕ kơ tơtông tơmam yŏng sư. Sư athei pơm 'lơ̆ng tơpăt păng yŏng tơ'ngla sư ling-lang, na lu bơngai ưh kơ lui, sư 'bôh lu bơngai mă đĭch đe, lui pơm 'lơ̆ng thoi noh, na sư khan tơdrong bơ̆n bơtho tơdrong 'Bok Kei-Dei 'lơ̆ng tơpă, tơdrong 'Bok Kei-Dei wă pơklaih đĭ-đăng bơngai đơ̆ng tơdrong yoch.