Êphêsô 5:20 - Sơ̆p Hlabơar Nơ̆r 'Bok Kei-Dei

²⁰ Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

Êphêsô 5:20 ပူးပေါင်းရင်းမြစ်များ

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Horiso 34:1

Inh gô ư-ang akâu Kră Yang ling-lang. Tơdrong ư-ang kơ Sư oei 'bơ̆t hơkŭng inh

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

Rom 1:8

Hơdrol kơ inh wă pơma, inh đei tơdrong bơnê kơ 'Bok Kei-Dei hơdrol 'mơ̆i. Yua kơ Yêsu Krist lôch tang bơ̆n na bơ̆n băt krao khan bơnê kơ 'Bok Kei-Dei. Inh bơnê kơ Sư yua kơ Sư ăn kơ iĕm lui kơjăp. Đĭ kơ bơngai lui jơ̆p kơ teh đak kư̆m băt kơ iĕm lui kơjăp tơpă.

I Kor 1:4

Inh ling-lang bơnê kơ 'Bok Kei-Dei 'mêm kơ iĕm, Sư tơgŭm iĕm, yua kơ Sư mơnat đơ̆ng iĕm lui kơ Yêsu Krist.

I Kor 15:24

'Bơ̆t 'noh boih năr tôch, na dôm lu bơngai juăt kơ pơgơ̆r păng dôm lu yang nai mă hơdai wang 'maih pơgơ̆r, năr 'noh kơnh lu sư gô thuơ kơ Yêsu Krist đĭ na Yêsu gô pơjao ăn kơ 'Bă Sư pơgơ̆r đĭ-đăng tôm tơdrong.

Êphêsô 5:4

Bơ̆n ưh pă gơh pơma tơdrong kơnê̆, tơdrong kư̆ kă, tơdrong chroih tơ nai. Bơ̆n athei pơma ling-lang gah tơdrong ư-ang kơ 'Bok Kei-Dei đĕch.

Philip 1:3

Mưh đon inh 'blŏk kơ iĕm, inh bơnê kơ 'Bok Kei-Dei.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

I Tes 3:9

Yua kơ iĕm na nhôn bơnê kơ 'Bok Kei-Dei tơpă. Nhôn bơnê kơ Sư yua kơ Sư ăn kơ iĕm lui kơjăp. Na nhôn chhơp kơ jơhngơ̆m 'nă hal dêh.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.