Da 9:27 - Sơ̆p Hlabơar Nơ̆r 'Bok Kei-Dei

²⁷ Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Da 9:27 ပူးပေါင်းရင်းမြစ်များ

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 28:22

Thoi noh, na iĕm 'nĕ pă pơjăm, kơnh hli kơ glang chô̆ iĕm gơhret rai kơjăp, inh kơtơ̆ng đơ̆ng Kră Yang Kră Yang Tih Hloh pơkă wă pơrăm đĭ dêh char 'nâu.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Jo 7:62

minh hlak pơnhan maih trăp mơjĭt seikơl, 'bĕnh kơ pơgang 'bâu phu,

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Markôs 13:14

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Na bu đŏk lăng hla bơar âu đon sư athei pơwao kơdih. Lu iĕm bơngai mă oei tơ dêh Juđê 'bôh thoi noh iĕm athei jăk tơ kông ataih đơ̆ng lu sư hloi.

Luka 21:20

Yêsu oei bơtho lu sư thoi âu: “Lăp iĕm 'bôh linh lơ tơpă oei tăp dăr kơ Pơlei Jêrusalem, lei iĕm băt kơ lu sư wă jê̆ mơ̆t blah lăm pơlei iĕm pơchah pơchek đĭ.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Rom 11:26

'Noh na đĭ lu bơngai Isơrael băt kơ 'nhĕng lu bơngai khŭl nai lui kơ 'Bok Kei-Dei, na đĭ lu sư wang lui kiơ̆, lu sư klaih đĭ dôm tơdrong yoch. Tơdrong noh kư̆m thoi đe chih roi lăm hla bơar 'Bok Kei-Dei sơ̆ thoi âu: “'Bok Dŏng Pơklaih wă năm đơ̆ng Pơlei Siôn tơ rim pơlei Isơrael, wă pơpuh tơjăk đĭ dôm tơdrong yoch đe Isơrael.

Rom 5:15

Tơdrong yoch hăm tơdrong 'Bok Kei-Dei 'mêm mơnat, sư phara. Tơdrong yoch, yua kơ minh 'nu bơngai pơm yoch na đĭ-đăng bơngai jing lôch. Na tơdrong 'Bok Kei-Dei 'mêm mơnat, yua kơ minh 'nu Yêsu Krist lôch tang đĭ-đăng kon bơngai na kon bơngai gô iung arih.

Rom 5:19

'Bok Kei-Dei jô̆ đĭ-đăng bơngai yoch yua kơ đơ̆ng minh 'nu 'bok Ađam sơ̆, sư ưh kơ chu kơ nơ̆r 'Bok Kei-Dei. Dang ei 'Bok Kei-Dei jô̆ đei lơ bơngai 'lơ̆ng, yua kơ đơ̆ng Yêsu Krist Sư chu kơ nơ̆r 'Bok Kei-Dei.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.